Қазақстан кітапханалар одағының «Жаһандық көзқарас және тұрақты даму: кітапханалардың болашақты құрудағы рөлі» атты кезекті көшпелі отырысы

     Мағжан Жұмабаев атындағы Ақмола облыстық әмбебап ғылыми кітапханасында өткізіліп жатқан көшпелі отырыс аясында, Қазақстан Республикасының Ұлттық мемлекеттік кітап палатасының директоры Асхат Құсайынұлы Байұзақов «Кітапхана және кітап баспа ісі туралы» Қазақстан Республикасы Заңының жобасы бойынша баяндама жасады.
     Баяндама барысында заң жобасын қабылдаудың өзектілігі, негізгі мақсаттары, кітапхана және кітап баспа ісін дамытудың басым бағыттары, оқу мәдениетін қолдау, ұлттық кітап мұрасын сақтау және саланы цифрлық трансформациялау мәселелері кеңінен таныстырылды.
     Іс-шараға қатысушылар заң жобасына қатысты пікір алмасып, кітапхана саласының тұрақты дамуына бағытталған маңызды ұсыныстарын ортаға салды.