Софы Қалыбекұлы Сматаев

     ҚР Ұлттық мемлекеттік кітап палатасының ұжымы көрнекті жазушы, драматург, аудармашы, қоғам қайраткері, Кітап палатасының ұзақ жылдар бойы бас директоры болған Софы Сматаевты 85 жас мерейтойымен шын жүректен құттықтайды!
     Софы Қалыбекұлы қазақ әдебиеті мен руханиятына, ұлттық кітап ісі мен библиография саласының дамуына қосқан үлесі өлшеусіз. Оның қаламынан туған көркем туындылар мен қоғамдық қызметі бірнеше буын оқырманның рухани қазынасына айналды.
     Мерейлі мерейтой иесіне зор денсаулық, ұзақ ғұмыр, отбасы амандығын, шығармашылық шабыт пен толайым табыс тілейміз. Қазақ әдебиеті мен мәдениетіне сіңірген еңбегіңіз ұрпақ жадында мәңгі сақтала берсін!
    Мерейтойыңыз құтты болсын!