Қазақстан Республикасы Ұлттық мемлекеттік кітап палатасы елдегі баспа өнімдерінің жүйелі есебін жүргізуді, ұлттық құжаттық мұраны сақтауды, сондай-ақ кітап, мерзімді және өзге де баспа өнімдері туралы оқырмандарды ақпараттандыруды қамтамасыз ететін мемлекеттік библиографиялық көрсеткіштерді дайындау және шығарумен айналысады.
Кітап палатасы қызметінің негізгі бағыттарының бірі — елімізде жарық көретін баспа өнімдерін, сондай-ақ шетелде жарияланатын Қазақстан туралы материалдарды қамтитын мемлекеттік библиография жүйесін шығару.
1938 жылдан бастап ай сайын «Баспасөз шежіресі» жарық көреді. Оның құрамына мыналар кіреді:
2001 жылдан бастап міндетті дананы қабылдау және бақылау бөлімі жыл сайын «Қазақстан Республикасының мерзімді және жалғаспалы басылымдары» атты шежірені шығарады. Бұл басылым елімізде тіркелген мерзімді және жалғаспалы басылымдардың жиынтық көрсеткіші болып табылады.
Баспа қызметінде ерекше орын алатын басылымдардың бірі — тоқсан сайын жарық көретін «Қазақстаника» библиографиялық көрсеткіші. Бұл көрсеткіш оқырмандарды еліміздің саяси, экономикалық және мәдени өміріндегі оқиғалармен, қазақстандық авторлардың шығармаларымен, кітаптармен, бейнелеу және ноталық басылымдармен, диссертациялар мен авторефераттармен, сондай-ақ жақын және алыс шетелдерде жарық көрген жарияланымдармен таныстырады.
1957 жылдан бастап Кітап палатасы баспасөз статистикасын да жүргізіп келеді. Бұл көрсеткіштер баспа ісінің жай-күйін талдауға, кітап нарығы мен баспасөз жүйесінің одан әрі дамуын айқындауға қажетті негізгі мәліметтерді қалыптастырады.
