Тұлғалардың тырнақалды кітаптары жарық көрді - ҚАЗАҚСТАН РЕСПУБЛИКАСЫНЫҢ МӘДЕНИЕТ ЖӘНЕ АҚПАРАТ МИНИСТРЛІГІ АРХИВ, ҚҰЖАТТАМА ЖӘНЕ КІТАП ІСІ КОМИТЕТІНІҢ "ҚАЗАҚСТАН РЕСПУБЛИКАСЫ ҰЛТТЫҚ МЕМЛЕКЕТТІК КІТАП ПАЛАТАСЫ" РЕСПУБЛИКАЛЫҚ МЕМЛЕКЕТТІК МЕКЕМЕСІ

Басты бет / Жаңалықтар / Тұлғалардың тырнақалды кітаптары жарық көрді

Тұлғалардың тырнақалды кітаптары жарық көрді

20-05-2020

ҚР Ұлттық мемлекеттік кітап палатасы мен Ұлттық аударма бюросы арасындағы әріптестік серіктестіктің нәтижесінде қазақ әдебиетінің көрнекті өкілдерінің тырнақалды туындыларының электронды нұсқасы оқырман қауымға жол тартты.

Тырнақалды туындылар Кітап палатасының мұрағатында толық сақталған. Ұлттық аударма бюросының Kitap.kz сайтында «Тырнақалды» бетінде аталған туындылар жарық көруде.

Атап айтсақ, сіз Kitap.kz қосымшасының «Тырнақалды» бетінен төмендегідей шығармаларды еш кедергісіз оқи аласыз:

1. Жұбан Молдағалиев «Жеңіс жырлары», 1949 жыл

2. Шерхан Мұртаза «Құрылысшы Дәку», 1958 жыл

3. Смағұл Елубай «Ойсыл Қара», 1972 жыл

4. Бексұлтан Нұржекеев «Күй толғақ», 1972 жыл

5. Есенғали Раушанов «Бастау, 1980 жыл

6. Әбіш Кекілбаев «Алтын шуақ», 1962 жыл

7. Темірхан Медетбек «Жанымның жас құрағы», 1970 жыл

8. Фариза Оңғарсынова «Сандуғаш», 1967 жыл

9. Софы Сматаев «Астана оттары», 1968 жыл

10. Қадыр Мырзалиев «Көктем», 1959 жыл.

Жоба ауқымы кеңейтілу үстінде. Алдағы уақытта қазақ әдебиетінің марғасқаларының алғаш бәйгеге қосқан, үкілеп үміт артқан шығармаларын, тырнақалды туындыларын Kitap.kz сайтынан оқи аласыздар!

Басқа жаңалықтар

10-08-2026

«Айбоз» ұлттық әдеби сыйлығына өтінім қабылдау жалғасып жатыр.

Бұл – қазақ әдебиетінің дамуына үлес қосып жүрген талантты авторлардың шығармашылығын қолдауға және үздік туындыларды дәріптеуге бағытталған маңызды жоба.

28-07-2026

XXIII халықаралық «Искусство книги» байқауына 23–24 шілде аралығында Минск қаласында ТМД елдерінің кітап ісі саласындағы арнайы номинациялар бойынша дауыс беру кезеңі өтті.

Аталған кезеңде қатысушы мемлекеттер ұсынған басылымдар әділ қазылар тарапынан жан-жақты қаралып, әр номинация бойынша үздік жұмыстарды анықтау мақсатында дауыс беру рәсімі жүргізілді

28-07-2026

2026 жылғы 22–24 шілде аралығында Беларусь Республикасының Минск қаласында дәстүрлі түрде ұйымдастырылатын «Искусство книги» халықаралық байқауы өтті.

Іссапар аясында Асхат Құсайынұлы Беларусь Республикасының кітап ісі мен баспа саласының қызметімен жан-жақты танысты. Сонымен қатар Ұлттық Беларусь кітапханасы мен Беларусь Кітап палатасында болып, мекемелердің негізгі бағыттары, құжаттарды сақтау және ғылыми-библиографиялық жұмыстарымен танысты.

01-07-2026

ҰЛТТЫҚ КІТАП ПАЛАТАСЫНА ҚР ПРЕЗИДЕНТІ ҚАСЫМ-ЖОМАРТ КЕМЕЛҰЛЫ ТОҚАЕВ АТЫНАН ЖАҢА КОНСТИТУЦИЯНЫҢ АРНАЙЫ БАСЫЛЫМЫ ТАБЫСТАЛДЫ

Қазақстан Республикасының Ұлттық мемлекеттік кітап палатасына Қазақстан Республикасы Президенті Қасым-Жомарт Кемелұлы Тоқаевтың атынан еліміздің жаңа Конституциясының арнайы басылымы салтанатты түрде табысталды.

30-06-2026

ЫНТЫМАҚТАСТЫҚ ЖӘНЕ ӨЗАРА ІС-ҚИМЫЛ ТУРАЛЫ МЕМОРАНДУМҒА ҚОЛ ҚОЙЫЛДЫ

Қазақстан Республикасы Мәдениет және ақпарат министрлігі Архив, құжаттама және кітап ісі комитетінің «Қазақстан Республикасының Ұлттық мемлекеттік кітап палатасы» республикалық мемлекеттік мекемесі мен «М. Жұмабаев атындағы Ақмола облыстық әмбебап ғылыми кітапханасы» коммуналдық мемлекеттік мекемесі арасында ынтымақтастық және өзара іс-қимыл туралы меморандумға қол қойылды.