Қазақ поэзиясына құбылыс болып келген, бүгінде аға буын деңгейіне көтеріліп, елдің, ұлттық мәселелеріне үн қосып, ұлттық әдебиетті дамытуға тікелей үлес қосып жүрген Маралтай Райымбекұлы бүгін 53 жасқа толды.

Қазақ өлеңіне соны із салған ақын азаматты бүгінгі төл мерекесімен шын жүректен құттықтаймыз! Ұжымның абырой-беделі үшін тынбай еңбек етіп, еліміздің баспа ісі, кітап ісі салаларындағы түйткілді мәселелерді шешуге ерекше еңбек сіңіріп жүрген азаматтың ғұмыры ұзақ, денсаулығы мықты, отбасы аман болғай!

Ақынға шығармашылық табыс, бақ-береке тілейміз! Қазақтың ақжүрек ақыны, тұғырыңыз лайым төмендемесін, асқақтай берсін!