2022 жылдың 28-30 мамыр аралығында Қазақстан Республикасы Мәдениет және спорт министрлігі мен Алматы қаласының әкімдігі бірлесіп ұйымдастырған халықаралық «Алматы кітап жәрмеңкесі» өтеді.

Алпысқа тарта баспа мекемелері мен кітап дүкендері қатысатын жәрмеңке аясында түрлі мәдени іс-шаралар, басқосулар, тұсаукесерлер және балаларға арналған қызықты интеллектуалдық ойындар мен қойылымдар жоспарланған.

Жәрмеңкенің салтанатты түрде ашылу рәсіміне Мәдениет және спорт министрі, Алматы қаласының әкімі, белгілі қаламгерлер, мәдениет қайраткерлері қатысады.

Жәрмеңкенің өтетін орны: Ш. Уәлиханов атындағы алаң (Ғылым ордасының алды). Шевченко – Пушкин көшелерінің қиылысы.

Күн сайын сағат 10:00 – 20:00 арасында.