Ағымдағы жылдың 28-30 мамыр аралығында өткен «Алматы кітап жәрмеңкесіне» 55 баспа мекемесі және жекелеген авторлар қатысып, 10 мыңға жуық кітап сатты.
Жәрмеңке аясында түрлі мәдени іс-шаралар ұйымдастырылды. Осы іс-шараларға қатысқан бірқатар ұжымдар мен жеке тұлғалар Алматы қаласы әкімінің орынбасары Арман Қырықбаевтың және Ұлттық мемлекеттік кітап палатасының Алғыс хатымен марапатталды.
Алматы қаласының әкімі орынбасарының Алғыс хатымен және Ұлттық мемлекеттік кітап палатасының Алғыс хатымен Әділ Несіпбаевтың «Дара оқырман» клубы, «Мұратхан Шоқанның поэзия мектебі» ұжымы, «Жетісу қызғалдақтары» тобының ұжымы, Ержан Алаштуған, Роллан Сейсенбаевтың «Халықаралық Абай клубы», Ж. Елебеков атындағы эстрада-цирк колледжінің ұжымы, Абай атындағы республикалық дарынды балалар гимназиясы ұжымы марапатталды.
Басқосуда Әділ Несіпбеав, Ержан Алаштуған, Мұратхан Шоқан өлең оқып, «Жетісу қызғалдақтары» тобының жетекшісі ілтипат пікірін білдірді.
