Жақында ҚР Ұлттық кітапханасы Н. Дәулетова атындағы залда қоғам қайраткері, прозашы, аудармашы, ҚР Жазушылар Одағының мүшесі Маруана Хамзақызының «Қайран әкем» және «Выжить, вопреки. История одного казаха» кітаптарының тұсаукесері өтті.

Тұсаукесерді ҚР Ұлттық кітапханасының ғылыми хатшысы, Халықаралық «Алаш» әдеби сыйлығының лауреаты Жүнісбеков Болат Жүнісбекұлы ашты. Іс-шараны «Арыс» баспасының директоры, филология ғылымдарының докторы Ғарифолла Әнес жүргізді.

Сөз сөйлеген қонақтар: филология ғылымдарының докторы, профессор, Жазушылар Одағы төрағасының орынбасары Бауыржан Жақып, кәсіпкер Джордж Богушевский (АҚШ), қоғам қайраткері, «Бейбітшілік әлем» халықаралық творчестволық бірлестігінің Президенті Әбен Нұрманов, «Қазақстан дәуірі» газетінің бас редакторы Ертай Айғалиұлы, соғыс және еңбек ардагері Евгения Чернова, доцент, филология ғылымдарының кандидаты, кітап авторының бауыры Асхат Алимов, Массачусетс университетінің профессоры Сара Камерон (АҚШ) және т.б.