Жетісу облысының Шоқан ауылында 30 жыл бойы жазылған кітаптың тұсаукесері өтті, деп хабарлайды «Хабар24» арнасы.

Кітапты жазу барысында автор сирек мұрағаттармен танысу үшін бірнеше елдерді аралап, тың деректермен танысқан. Ол «Шоқан Уәлихановтың тағдыры мен мұрасы» деп аталады.

Зерттеудің авторы Жарас Ермекбаев туынды үшін отыз жыл уақытын арнаған. Бұл бекер емес. Өйткені, оның әжесі Шоқан Уәлиханов туған ауылдан. Бүкіл балалық шағы ғалымды қастерлеп, дәріптейтін мекенде өткен автор осылайша Шоқанға кітап арнауды ұйғарады.

«Әсіресе, Шоқанның қолжазбаларын оқу қиынға соқты. Қазақстанда бір адам ғана Шоқанды оқитын. Марқұм ол анау Мариям Сүлейменова деген бір ғалым болған. Тарих институтында. Сол шоқантанушы болды. Жазғаны қысқаша, тез жазады ғой, далада жүреді ғой енді. Көшпенділі болатын, саяхатшы болатын. Сондай өмірі қысқа болғанымен біраз қолжазбалары қалды. Ол бұрынғы Ленинград болды, қазір Санкт-Петорбордың архивінде, мен соны қарадым, отырдым, қоры бар», дейді кітаптың авторы Жарас Ермекбай.