15 қазан – Алматы қаласының кітапханалары күніне орай Жамбыл атындағы қалалық жасөспірімдер кітапханасында «Ғажайып ғаламшар» деген тақырыппен кітапхана түні өтеді.
Қазіргі таңда модернизациядан кейін кітапхананың оқырман саны 57 500-ге жетті. Бұл жөнінде кітапхана әкімшілігі: «Бір жылдағы келуші саны – 566 400. Күніне 400-ден 500-ге дейін оқырман қабылдаймыз. Кітапхана тек кітап қоймасы емес, коуоркиң орталығы ретінде де танымал. Біз келушілерге еркін шығармашылық кеңістік ұсынғымыз келеді», - дейді. Ал мерекеге орай сол күні кітапхана «Ғарыш кемесі» деп аталып отыр. Кітапхана ішіндегі төрт аймақ: Тыныш, жеке, топтық, атриум әртүрлі қызмет көрсетеді. Танымал ақын-жазушылар, актерлер мен тұлғалық даму бойынша тренерлер кездесу өтеді. «Кітапхана түні қала тұрғындары мен жастардың кітап оқуға ынтасын арттырады деп үміттенеміз» дейді ұжым.
