Германияда 19-23 қазан аралығында Франкфурт халықаралық кітап жәрмеңкесі (Frankfurter Buchmesse 2022) өтті. Осымен 74-ші рет өтіп отырған жәрмеңке барысында шетелдік баспаханалармен (Канада, Жапония, Корея, Үндістан, Чили, Түркия, т.б.) кездесулер өткізіліп, жаңа халықаралық байланыстар орнатылды. Кездесулер барысында балалар кітаптарын Брайль қарпімен және тактильді кітаптарды басып шығару мәселелері талқыланды.

Іс сапар соңында қаланың көптеген мәдени мекемелері қатысатын Bad Homburger Kulturnacht («Бад-Гомбург мәдениетінің түні») атты мәдени бағдарламасы аясында Қазақстан делегациясы қаланың мәдениеті мен тарихын тамашалауға мүмкіндік алды. Соның арқасында Готикалық мұражай, Artlantis галереясы, Синклер-Хаус мұражайы, Бад-Гомбург сарайы, Құтқарушы шіркеуі, Әулие Мария шіркеуі, Қалалық кітапхана және Куртеатр ескілді орындарды аралады.

Айта кетейік, «Frankfurter Buchmesse» халықаралық кітап жәрмеңкесі – әлемдегі ең үлкен кітап жәрмеңкесінің бірі саналады. Бұл шара жыл сайын қазан айының ортасында өткізіледі. Мұнда жиналған баспа ісі нарығындағы тың дүниелермен танысып, бір-бірімен тәжірибе алмасуға зор мүмкіндік алады. Ал пандемияға байланысты екі жылдық шектеуден кейін жалғасын тапқан кітап жәрмеңкесі осы жолы еш шектеусіз өтіп, оған әлемнің 100-ге жуық елі қатысты.