Бүгін Өзбекстан астанасында «Ташкент халықаралық кітап көрме-жәрмеңкесі» басталды. Айтулы шара қараша айының 4-не дейін жалғасады.
«Tashkent Book Fest - 2022» жәрмеңкесі осымен үшінші рет өткізіліп отыр. Шараға халықаралық баспа мен кітап сататын компаниялар, шетелдік кітап таратушы және баспа қауымдастықтары, кітап оқу мәдениетін насихаттайтын мекемелер қатысып жатыр. Естеріңізге салайық, Ташкент төріндегі кітап жәрмеңкесіне қазақстандық делегация да бар.
Жәрмеңкенің мақсаты – кітап оқуды насихаттау, қатысушы елдердің әдеби мұрасын дамытуға қолдау білдіру, оқырмандардың мәдениетін қалыптастыру, баспа ісі саласындағы халықаралық тәжірибені үйрену жән т.б. Сондай-ақ, кітап көрмесі аясында түрлі мәденет қайраткерлерімен, автормен кездесу ұйымдастырылады.
Айта кетейік, алғашқы жәрмеңке 2019 жылы өтсе, екінші Ташкен кітап көрмесі 2020 жылы өткен болатын. Оған Белгия, Ұлябритания, Германия, Қазақстан, Израиль, Үндістан, Қырғызстан, Ресей, Түркия, Франция елдерімен қатар Өзбекстанның 30-дан астам жекеменшік және мемлекеттік баспа өкілдері қатысқан еді.
