Алматы қаласындағы ҚР Ұлттық кітапханасында көрнекті жазушы, драматург, ҚР Мемлекеттік сыйлығының лауреаты Дулат Исабековтің туғанына 80 жыл толуына орай «Көркемдік әлемінің көш басында» атты шығармашылық кездесу өтті.

Шараны қаламгер-журналист, ҚР Президенті сыйлығының лауреаты, Қазақстан Жазушылар одағы басқармасының хатшысы, «Жұлдыз» журналының бас редакторы Мереке Құлкенов. Ал салтанатты шараны Қазақстан Республикасы Ұлттық кітапханасының директоры Бақытжамал Қайырбекқызы құттықтау сөзбен ашты.

Құрметті қонақтар арасында белгілі жазушы, ҚР Мемлекеттік сыйлығының иегері Бексұлтан Нұржекеев; сыншы, ғалым, филология ғылымдарының докторы, профессор Дандай Ысқақ; жазушы, драматург, Қазақстанның еңбек сіңірген қайраткері Сұлтанәлі Балғабаев; белгілі журналист, Қазақ ПЕН клубының президенті Бигелді Ғабдуллин болды.

Шара аясында ҚР Ұлттық кітапханасының қорынан Дулат Исабековтің өмірі мен шығармашылығына арналған «Көркемдік әлемінің көш басында» атты кітап көрмесі ұйымдастырылды.

Жиынға Қазақстанның белгілі жазушылары мен ақындары, қоғам қайраткерлері, әдебиеттанушылар, жоғары оқу орындарының студенттері, Алматы қаласының кітапханашылары, оқырмандар мен БАҚ өкілдері қатысты.