Алматы қаласындағы Жамбыл атындағы жасөспірімдер кітапханасында «Алаш» халықаралық әдеби сыйлығының лауреаты, танымал жазушы Сәуле Досжанның «Мың жылдық махаббат» атты кітабының тұсаукесері өтті. Кітапхана төріндегі кітаптың таныстырылымына Қазақстан жазушылар одағының өкілдері, белгілі қаламгерлер мен оқырмандар жиналды.
Бұл кеш жөнінде әлеуметтік желі қолданушыларының бірі: «Автор ғашықтық хикаятына колумбиялық жазушы Габриэль Гарсиа Маркестің «Шын махаббатыңызды жолықтырсаңыз, ол сізден ешқайда қашып құтылмайды» деген ұлағатты сөздерін арқау еткен. Сюжетті дамыту барысында кейіпкерлерінің жан дүниесіне үңіліп, өмірдің таусылмайтын сұрақтарына жауап іздейді. Бүгінгі қоғамдағы әйел тағдыры мен оның күнделікті тіршілікте алатын орны, өмірден түйген ойы мен даналығы, махаббат жолындағы шынайылығы көркем суреттеледі», - деп ата өтеді. Ал белгілі ақын Дәулетбек Байтұрсынұлы: «Жазушы Сәуле Досжанның «Мың жылдық махаббат» атты хикаяттар мен әңгімелер жинағы «Атамұра» баспасынан жарық көріпті. Жаңа кітап оқырман қолында тозсын! Сәуле әпкеміз біздің «Мөлдір бұлақ» журналының қолдаушысы, әрі авторымыз. Осы 2023-жылға 20 дана журналға жаздырып берді. Біз он данасын Нұркенттегі 201-мектепке, он данасын Райымбек ауданы Қызылшекара ауылындағы ақын Көдек Байшығанүлы атындағы мектепке жіберіп жатырмыз. Ұрпаққа жанашырлығына Алла риза болсын!» - деп жазба қалдырыпты.