Алматы қаласы, Медеу ауданы, Пушкин көшесі, 2/76 үй. 8 (727) 397-61-15
Қазақстан Республикасы Мәдениет және ақпарат министрлігі
Ұлттық мемлекеттік кітап палатасы
Басты бет / Жаңалықтар / 2023 жыл – Мағжан жылы деп жарияланды
2023 жыл – Мағжан жылы деп жарияланды
17-02-2023

Солтүстік Қазақстан облысында ақын, Алаш қайраткері Мағжан Жұмабаевтың 130 жылдық мерейтойына орай «Мен өлмеймін, менікі де өлмейді...» атты республикалық жазба ақындар мүшәйрасының жүлдегерлері марапатталды. СҚО мәдениет, тілдерді дамыту және архив ісі басқармасы баспасөз қызметінің жазуынша, биыл Қызылжар тумасы, ақиық ақын, Алаш қайраткері Мағжан Жұмабаевтың туғанына 130 жыл. Осыған орай өңірде мерейтойға орай іс-шаралар өтіп жатыр.

СҚО мәдениет, тілдерді дамыту және архив ісі басқармасының қолдауымен 1-10 ақпан аралығында «Мен өлмеймін, менікі де өлмейді...» атты республикалық жазба ақындар мүшәйрасы жарияланды. Оған еліміздің барлық өңірінен 20-50 жас аралығында 90 ақын шығармаларын ұсынды. Ереже бойынша мүшәйраға Мағжанның ақындық, қайраткерлік тұлғасын паш ететін бір өлең, еркін тақырыптағы бір өлең ұсынылды.

Кабылданған шығармаларды Қазақстан Жазушылар одағының төрағасы, ақын Ұлықбек Есдәулет, Қазақстанның еңбек сіңірген қайраткері Дәулеткерей Кәпұлы, белгілі журналист-жазушы Жарасбай Сүлейменов бастаған қазылар алқасы сараптап, жеңімпаздарды анықтады.

15 ақпанда Петропавлда салтанатты марапаттау кешінде жүзден жүйрік, мыңнан тұлпар атанған 9 ақынға Мағжан Жұмабаев атындағы тұңғыш әдеби сыйлық табысталды. Сыйақы мөлшері – 300 мың теңге.

Марапатталғандар: Танагөз Толқынқызы, Бауыржан Қарағызұлы, Абылай Мауданов, Мерей Қарт, Нұргүл Оқашева, Аманжол Зағыпар, Арайлым Мұраталиева, Қуаныш Оспан, Дәулет Жадырасын.

«Мен үшін қазақ элитасының ең бір бетіне шыққан қаймағы бұл – алаштықтар, соның бір жарқын жұлдызы Мағжан Жұмабаев. Ол - өзім жақсы көретін, өзім ғашық, өзім төбеге көтеріп оқитын ақындарымның бірі. Жалпы мен мүшәйраларға қатыспаймын, бірақ бұл іс-шараға өзімнің ұстаныма қарсы шығып, келіп отырмын», - деді Танагөз Толқынқызы.

Сондай-ақ салтанатты кеште осы жыл өңірде Мағжан жылы деп жарияланды.

Мәдениет порталы

 

Басқа жаңалықтар
23-04-2024
23 сәуір - «Дүниежүзілік кітап және авторлық кұқық күніне»
23-04-2024
Бүгін ҚР Ұлттық академиялық кітапханасына 20 жыл
23-04-2024
Қазақстан мен Қырғызстан президенттері Айкөл Манас ескерткішінің ашылу рәсіміне қатысты
23-04-2024
Мемлекет басшысы Қырғызстан Президенті Садыр Жапаровты І дәрежелі «Достық» орденімен марапаттады
23-04-2024
Қасым-Жомарт Тоқаев пен Садыр Жапаров Қазақстан мен Қырғызстанның Жоғары мемлекетаралық кеңесінің отырысына қатысты
8 (727) 397-61-15
Алматы қаласы, Медеу ауданы, Пушкин көшесі, 2/76 үй
© 2024 Қазақстан Республикасы Мәдениет және ақпарат министрлігі Ұлттық мемлекеттік кітап палатасы