Алматы қаласы, Медеу ауданы, Пушкин көшесі, 2/76 үй. 8 (727) 397-61-15
Қазақстан Республикасы Мәдениет және ақпарат министрлігі
Ұлттық мемлекеттік кітап палатасы
Басты бет / Жаңалықтар / Бүгін белгілі ақын Бауыржан Бабажанұлының туған күні
Бүгін белгілі ақын Бауыржан Бабажанұлының туған күні
21-02-2023

Бауыржан Бабажанұлы 1969 жылы 21 ақпанда Қарақалпақстан Республикасының Мойнақ ауданында дүниеге келген.

1995 жылы әл-Фараби атындағы ҚазҰУ филология факультетін бітірді.

Еңбек жолын 1995-1996 жылдары ҚР ҰҒА М.О.Әуезов атындағы Әдебиет және өнер институтында кіші ғылыми қызметкер болып бастады.

1996-1999 жылдары «Жалын» журналында, «Ана тілі» – «Жалын» бірлескен басылымдарында бөлім меңгерушісі, 2000 жылы «Алтын Орда» тәуелсіз апталығында бас редактордың орынбасары қызметтерін атқарды. Сондай-ақ, Ақтөбе облыстық «Ақтөбе» газетінің бас редакторы болып жұмыс істеген.

Оның өлеңдері «Толқыннан толқын туады», «Жас ақындар антологиясы» ұжымдық жинақтарына енген. Ал «Аспан мен жердің арасы» атты тұңғыш жыр жинағы 2001 жылы «Отырар кітапханасы» сериясымен жарық көрді. Одан кейін 2006 жылы «Жазушы» баспасынан «Уәде» атты кітабы шықты.

2003 жылы өткен халықаралық «Шабыт» шығармашыл жастар фестивалінің «Әдебиет» номинациясы бойынша бас жүлде иегері. Сонымен қатар, «Қазақстан Республикасының Тәуелсіздігіне 10 жыл», «Астанаға 10 жыл» мерекелік медальдарымен марапатталған.

Қазір халықаралық «Túrkistan» газетінің бас редакторы.

 

Басқа жаңалықтар
23-04-2024
23 сәуір - «Дүниежүзілік кітап және авторлық кұқық күніне»
23-04-2024
Бүгін ҚР Ұлттық академиялық кітапханасына 20 жыл
23-04-2024
Қазақстан мен Қырғызстан президенттері Айкөл Манас ескерткішінің ашылу рәсіміне қатысты
23-04-2024
Мемлекет басшысы Қырғызстан Президенті Садыр Жапаровты І дәрежелі «Достық» орденімен марапаттады
23-04-2024
Қасым-Жомарт Тоқаев пен Садыр Жапаров Қазақстан мен Қырғызстанның Жоғары мемлекетаралық кеңесінің отырысына қатысты
8 (727) 397-61-15
Алматы қаласы, Медеу ауданы, Пушкин көшесі, 2/76 үй
© 2024 Қазақстан Республикасы Мәдениет және ақпарат министрлігі Ұлттық мемлекеттік кітап палатасы