Әл-Фараби атындағы Қазақ ұлттық университетінде қазақтың ұлы ақыны Төлеген Айбергеновтың перзенті, филология ғылымдарының кандидаты, доцент Cалтанат Айбергенованың «АҚЫН ЖАРЫ» кітабының тұсаукесері өтті.

Бұл туралы белгілі ақын Қасымхан Бегіманов өзінің әлеуметтік желідегі парақшасында: Менің алғысөзіммен жарыққа шыққан бұл кітаптың алғашқы даналары оқырман қолына тиді. Бұл кітап ақиық ақын Төлеген Айбергеновтың жары, аяулы ана, рухы мықты қазақ әйелі – Үрниса апамыздың салиқалы болмысына арналған», - деп жазды.

Кітаптың тұсаукесеріне ақын-жазушылар Нұрдәулет Ақыш, Темірғаи Көпбай, Үміт Зұлхарова және студенттер қатысты.

Тағылымы мол, әсерлі кешті белгілі сықақшы, қаламгер Ермахан Шайхы әсерлі жүргізді.