Көрнекті жазушы Роллан Сейсенбаев Қазақстан Республикасы Ұлттық мемлекеттік кітап палатасының «Асыл сөз» жобасына қонаққа келді. Сөз зергерімен өткен келелі сұхбатты Қазақстан Республикасы Ұлттық мемлекетті кітап палатасының директоры Әділ Қойтанов жүргізді.
Әлемге әйгілі қаламгер кездесу барасында талай әңгіменің тиегін ағытып, талай сырымен бөлісті. Қаламгердің бала күннен басталған әңгімесі Семейдегі атом бомбасы жарылған қасіретпен жалғасып, талай ащы шындық айтылды.
Жазудың мехнаты мен сыры, әдебиеттің бүгінгі дамуы мен болашағы тілге тиек етілді.
Еркін форматтағы кездесуде Кітап палатасы ұжымының қызметкерлері жазушыға көкейлерінде жүрген сұрақтарын қойып, әңгіме көркі одан сайын қызды.
Жоба асында қаламгердің жарық көрген кітаптарынан арнайы көрме ұйымдастырылды.
«Асыл сөз» жобасы аясында көрнекті қаламгер Роллан Сейсенбаевпен өткен кездесудің толық нұсқасын алдағы уақытта баспасөз беттерінен оқып, арнайы Youtube арнамыздан көре аласыздар!
