Бүгін Алматыда Шоқан Уәлиханов атындағы сквер аумағында жыл сайынғы «Алматы кітап жәрмеңкесі» өтіп жатыр.

Дәстүрлі жәрмеңкені Алматы қаласының әкімдігі, Қазақстан Республикасы Ұлттық мемлекеттік кітап палатасы мен Қазақстанның баспагерлер, полиграфистер және кітап таратушылар ассоциациясы ұйымдастырып отыр.

Кітап жәрмеңкесінде 30-ға жуық отандық баспа мекемесі мен кітап дүкендері өз өнімдерін сатылымға қойды. Мерекелік шара аясында концерт ұйымдастырылып, отандық әншілер өнер көрсетуде.

Сондай-ақ, ақындар, өлеңге таласы бар оқушылар жырдан шашу шашады. Қабырғалы ақын-жазушылар кітаптарының тұсаукесерін жасап, қолтаңба беру рәсімін өткізеді. Бұдан өзге, елдегі белді баспа өкілдері өз өнімдерін таныстырып, елдегі кітап ісі саласы бойынша қызықты мәлемттермен бөліседі.