2023 жылы «Бір ел – бір кітап» республикалық акциясы аясында оқырман белгілі драматург, жазушы, қоғам қайраткері, Мемлекеттік сыйлықтың иегері Төлен Әбдік шығармаларын оқиды.
Республикалық деңгейдегі дәстүрлі акция биыл оқырмандар арасында он жетінші мәрте ұйымдастырылмақшы. Акцияның мақсаты – ұлттық әдебиетіміздегі ең үздік туындыларды оқу және насихаттау, оқу ісін ілгерілету, рухани мұрамызды сақтау, сондай-ақ жастарға рухани-адамгершілік және патриоттық тәрбие беруге бағытталған. Сонымен қатар акция қоғамның отандық әдебиетке, оның ішінде классикаға, қазіргі әдебиет пен поэзияға деген қызығушылығын әрі қарай жоғарылатуына мүмкіндік туғызады.
"Ана тілі" газеті
