19-23 сәуір аралығында Астана қаласындағы «EXPO» халықаралық көрме орталығында «Eurasian Book Fair – 2023» Еуразиялық халықаралық кітап көрме-жәрмеңкесі өтеді.
Еуразия кеңістігіндегі ең ауқымды кітап көрмесіне Қазақстан, Ресей, Қытай, Иран, Түркия және т.б. елдерден 60-тан астам баспалар мен ұйымдар қатысады.
Кітап нарығындағы жаңа басылымдар мен әлем әдебиетінің үздік туындылары ұсынылатын ауқымды шара 5 күнге созылады.
Іс-шара барысында танымал блогерлермен кездесулер, әлемдік бестселлерлер мен балалар кітаптарының тұсаукесерлері, балаларға арналған тегін шеберлік сағаттары және қымбат сыйлықтардың ұтыстары өткізіледі. Сонымен қатар кітаптар баспа бағасымен сатылады.
Айта кетейік, «Eurasian Book Fair-2023» халықаралық кітап көрме-жәрмеңкесін ҚР Мәдениет және спорт министрлігі және Астана қаласы әкімдігі қолдауымен «Фолиант» баспасы ұйымдастырып отыр.
