Бүгін Қырғызстан астанасы Бішкек қаласында Халықаралық кітап және авторлық құқық күніне арналған кітап көрмесі басталды. Бұл көрме әлемге танымал жазушы Шыңғыс Айматовтың 95 жылдық мерейтойын орай «Айтматовтың ізімен» деп аталды.

Шараның ашылу салтанатында Қырғыз Респуликасының мәдениет, ақпарат, спор және жастар саясаты министрінің бірінші орынбасары сөз сөйледі. Сондай-ақ, шара басында Қытай, Ресей, Өзбекстан және Қазақстаннан келген құрметті қонақтарға сөз берілді. Бұл жиында Қазақстан Республикасы Ұлттық мемлекеттік кітап палатасының директоры Әділ Қойтанов сөз алып, көрмеге келушілерді кітап мерекесімен және заңғар жазушының 95 жылдық меретойымен құттықтады. Ол өз сөзінде: «Бүгін сіздердің орталарыңызға келіп, көрмеге қатысып отырғаныма қуаныштымын! Халықаралық кітап авторлық құқық күніне арналған игі шараның «Шыңғыс Айтматовтың ізімен» деп аталуы, баршамызға көп нәрседен хабар беретіні шындық. Сондықтан, бүгінгі руханият тойын, «Адамзаттың Айтматовы» атанған аңыз қаламгердің 95 жылдық мерейтойын біздің де тойымыз деп есептеймін.

Кітап саласы – машақаты көп іс болғанымен, ұлт үшін берері мол, елдің елдігін, руханияты мен ұлттық ұстанымын көрсететін шексіз сала. Ежелден бауырлас, діні мен ділі бір, салт-дәстүрі бен тілі ұқсас қос халық бұл бағытта да тығыз қарым-қатынас орнатып келеді. Мәселен, былтыр Алматы қаласында өткен «Алматы кітап жәрмеңкесіне», сосын халықаралық «Ұлы Жібек жолымен» көрмесіне Қырғыз Республикасының мемлекеттік кітап палатасы қатысып, бауырлас елдің қазіргі кітап шығару ісін баршамызға паш еткен болатын. Ортақ істі ілгерілету мақсатында, Қазақстан Республиксы Ұлттық мемлекеттік кітап палатасы мен Қырғыз Республикасының кітап палатасы бірлескен меморандумға қол қойды. Демек, алдағы уақытта бірлесіп атқаратын іс аз емес» - деп атап өтті.

Сондай-ақ, Әділ Қаженбайұлы сахнада тұрып былтыр Алматы қаласында өткен «Ұлы Жібек жолымен» кітап көрмесінде балалар әдебиеті бойынша гран при иеленген қырғыз баспасына жүлдесін табыс етті.

Көрмеге қазақстандық баспалардан жарық көрген кітаптар қойылды. Жәрмеңкеге келшуілер отандық баспа өнімдеріне қатты қызығушылық тантты. Әсіресе, Абай мен Олжас Сүлейменовтың кітабын сұраушылар көп болды.

Көрме барысында жан-жақтан келген қонақтар түрлі кездесулер ұйымдастырылды. Баспа саласының білгірлері кітап ісі саласы бойынша түрлі тақырыптарда пікір алмасты.

Бішкектегі «Айтматовтың ізімен» атты кітап көрмесі екі күнге жалғасады.