Берік БЕЙСЕНҰЛЫ - ҚАЗАҚСТАН РЕСПУБЛИКАСЫНЫҢ МӘДЕНИЕТ ЖӘНЕ АҚПАРАТ МИНИСТРЛІГІ АРХИВ, ҚҰЖАТТАМА ЖӘНЕ КІТАП ІСІ КОМИТЕТІНІҢ "ҚАЗАҚСТАН РЕСПУБЛИКАСЫ ҰЛТТЫҚ МЕМЛЕКЕТТІК КІТАП ПАЛАТАСЫ" РЕСПУБЛИКАЛЫҚ МЕМЛЕКЕТТІК МЕКЕМЕСІ

Басты бет / Жаңалықтар / Берік БЕЙСЕНҰЛЫ

Берік БЕЙСЕНҰЛЫ

31-10-2023

Берік БЕЙСЕНҰЛЫ
Кешегі кеште залда ине шаншар орын болған жоқ. Халықтың біразы кіре алмай, сыртта қалды. «Алатауға» қарай ағылған халықтың қарасынан МАИ қызметкерлері келіп, жол қозғалысын реттеуге кірісті.
Орындықтан орын тимегендер бос жерге малдас құрып отырып, аяғына дейін кешті тамашалады.
Ақын атақты «Ташкентпен қоштасу» өлеңімен сахнаны ашты.
Мұнда қазақтың мұңы, тарихы, асқақ арманы жатыр.
«Ол көктем оралмайды» деп «МузАРТ» ән салды.
Әншілер Шаба Әденкүл, Роза Әлқожа, Гүлмайдан Серікбай, Бауыржан Өскенбеков кештің көрігін қыздырды.
"Алатау" театрының артистері ақынның өлеңдерінен қойылым жасады. Бәрі де әдемі, шынайы шықты.
Ақын аға өз өлеңдерін оқыды.
Халық кіреберісте ақын шығармашылығына арналған көрмені де көрді.
Кеште көпірме сөз, мақтау, мадақтау, сансыз шапан жабу болған жоқ. Тек ақынның өлеңдері мен әнге жазылған сөздерінен көрермен ғибрат алды.
Бұл Қазақстан Жастар Одағы және халықаралық «Алаш» сыйлықтарының лауреаты, Қазақстанға еңбек сіңірген қайраткер, «Құрмет», «Парасат» орденінің иегері, «Дәстүр» журналының құрылтайшысы, бас редакторы, Қазақстан Жазушылар Одағы төрағасының орынбасары, ақын Қасымхан Бегмановтың «Алатау» дәстүрлі өнер театрында өткен «Алматым –әнім, тағдырым» атты мерейтойлық кешінен алған әсер.
... Аман жүріңіз, аға!

Басқа жаңалықтар

10-08-2026

«Айбоз» ұлттық әдеби сыйлығына өтінім қабылдау жалғасып жатыр.

Бұл – қазақ әдебиетінің дамуына үлес қосып жүрген талантты авторлардың шығармашылығын қолдауға және үздік туындыларды дәріптеуге бағытталған маңызды жоба.

28-07-2026

XXIII халықаралық «Искусство книги» байқауына 23–24 шілде аралығында Минск қаласында ТМД елдерінің кітап ісі саласындағы арнайы номинациялар бойынша дауыс беру кезеңі өтті.

Аталған кезеңде қатысушы мемлекеттер ұсынған басылымдар әділ қазылар тарапынан жан-жақты қаралып, әр номинация бойынша үздік жұмыстарды анықтау мақсатында дауыс беру рәсімі жүргізілді

28-07-2026

2026 жылғы 22–24 шілде аралығында Беларусь Республикасының Минск қаласында дәстүрлі түрде ұйымдастырылатын «Искусство книги» халықаралық байқауы өтті.

Іссапар аясында Асхат Құсайынұлы Беларусь Республикасының кітап ісі мен баспа саласының қызметімен жан-жақты танысты. Сонымен қатар Ұлттық Беларусь кітапханасы мен Беларусь Кітап палатасында болып, мекемелердің негізгі бағыттары, құжаттарды сақтау және ғылыми-библиографиялық жұмыстарымен танысты.

01-07-2026

ҰЛТТЫҚ КІТАП ПАЛАТАСЫНА ҚР ПРЕЗИДЕНТІ ҚАСЫМ-ЖОМАРТ КЕМЕЛҰЛЫ ТОҚАЕВ АТЫНАН ЖАҢА КОНСТИТУЦИЯНЫҢ АРНАЙЫ БАСЫЛЫМЫ ТАБЫСТАЛДЫ

Қазақстан Республикасының Ұлттық мемлекеттік кітап палатасына Қазақстан Республикасы Президенті Қасым-Жомарт Кемелұлы Тоқаевтың атынан еліміздің жаңа Конституциясының арнайы басылымы салтанатты түрде табысталды.

30-06-2026

ЫНТЫМАҚТАСТЫҚ ЖӘНЕ ӨЗАРА ІС-ҚИМЫЛ ТУРАЛЫ МЕМОРАНДУМҒА ҚОЛ ҚОЙЫЛДЫ

Қазақстан Республикасы Мәдениет және ақпарат министрлігі Архив, құжаттама және кітап ісі комитетінің «Қазақстан Республикасының Ұлттық мемлекеттік кітап палатасы» республикалық мемлекеттік мекемесі мен «М. Жұмабаев атындағы Ақмола облыстық әмбебап ғылыми кітапханасы» коммуналдық мемлекеттік мекемесі арасында ынтымақтастық және өзара іс-қимыл туралы меморандумға қол қойылды.