Алматы қаласы, Медеу ауданы, Пушкин көшесі, 2/76 үй. 8 (727) 397-61-15
Қазақстан Республикасы Мәдениет және ақпарат министрлігі
Ұлттық мемлекеттік кітап палатасы
Басты бет / Жаңалықтар / «Айбоз»   
«Айбоз»   
15-12-2023
Бүгін, Алматыда Қазақстан Республикасы Мәдениет және ақпарат министрлігі тағайындаған «Айбоз» ұлттық әдеби сыйлығын табыстауға арналған салтанатты жиын болып өтті.
Ұлттық байқауға түскен шығармаларды арнайы құрылған қазылар алқасы сараптамадан өткізді. Жүлдегерлерді әділ бағалау мақсатында қазылар құрамы бір-бірінен құпия ұсталды. Cондай-ақ қазылар алқасына ұсынылған шығармалардың авторлары да жасырын болды.
Осылай, қазылар алқасы тіркелген шығармаларды оқып шығып, құпия дауыс беруі нәтижесінде әр номинация үздіктері анықталды.
Тәуелсіз қазылар құрамының шешімімен «Үздік проза» номинациясы бойынша ең жоғары дауыс жинаған «Анамның құрбысы» шығармасы (авторы – Қуандық Түменбай), «Үздік поэзия» номинациясы бойынша ең жоғары дауыс жинаған «Көзімнен сүй, көбелек» шығармасы (авторы – Тілегенов Жанат Жаңқашұлы), «Үздік драматургия» номинациясы бойынша ең жоғары дауыс жинаған «Адам ата, Хауа ана» шығармасы (авторы – Исраил Сапарбай), «Үздік әдеби аударма» номинациясы бойынша ең жоғары дауыс жинаған «Қасқырлар құпиясы» шығармасы (авторы – Абай Мауқараұлы), «Үздік балалар әдебиеті» номинациясы бойынша ең жоғары дауыс жинаған «Концерт» шығармасы (авторы – Серік Асылбекұлы), «Үздік әдеби сын» номинациясы бойынша ең жоғары дауыс жинаған «Абай һәм Ницше іліміндегі Құдай, адам және автор мәселесі: үш супер мағынаның күйреуі» шығармасы (авторы – Дидар Амантай), «Үздік комикс» номинациясы бойынша ең жоғары дауыс жинаған «Бейбарыс» шығармасы (авторы – Сәлімғали Мырзашев) жеңімпаз деп танылып 5 млн теңге мен тұлпар статуеткасын иеленді.
Әр аталымға 5 млн теңгеден табысталған әдеби сыйлықтың жалпы жүлде қоры – 35 млн теңгені құрады. 
Қазақстанның халық әртісі, белгілі күйші Айгүл Үлкенбаева сынды өнер шеберлерінің қатысуымен шағын концерттік бағдарламамен әрленген мерекеде жүлделерді табыстауға Қазақстанның Еңбек Ері Асанәлі Әшімов аға бастаған, академик, Қансейіт Әбдезұлы, 
Мемлекеттік сыйлықтың иегері, белгілі қыл қалам шебері Амандос Ақанаев,
Қазақстанның халық жазушысы Любовь Шашкова, Қазақстан Жазушылар одағы Басқарма төрағасының 1-орынбасары Нұржан Қуантайұлы, Қазақстан Жазушылар одағы Басқарма хатшысы, көрнекті ақын Маралтай Райымбекұлы шақырылды. 
Рухани кештен әсерленіп шыққан әлеумет бірден тарап кетпей, бірін-бірі құттықтап ұзақ тұрса, жүлдегерлер мен ұйымдастырушыларды қаумалаған журналистер сұхбат алып жатты.
Басқа жаңалықтар
23-05-2024
⚜️Археолог, тарих ғылымдарының докторы, қазақ археология ғылымының негізін қалаушылардың бірі Кемел Ақышевтың туғанына — 100 жыл.
23-05-2024
Аида Балаева ШЫҰ Бас хатшысы Чжан Минмен кездесті
21-05-2024
Бұл күн – адамзатты ізгілікке баулып, мейірімге үндейтін, сұлулыққа құштар, жарастыққа толы әлемге сенетін, болашақ үшін жасампаздыққа бастайтын ардақты кәсіп иелерінің мерекесі.
18-05-2024
IFLA Дүниежүзілік кітапхана және ақпарат конгресі Қазақстанда өтуі мүмкін
17-05-2024
Мемлекет басшысы “Қазақстан Республикасының кейбір заңнамалық актілеріне халықтың көші-қоны және қылмыстық-атқару жүйесі салаларындағы заңнаманы жетілдіру мәселелері бойынша өзгерістер мен толықтырулар енгізу туралы”
8 (727) 397-61-15
Алматы қаласы, Медеу ауданы, Пушкин көшесі, 2/76 үй
© 2024 Қазақстан Республикасы Мәдениет және ақпарат министрлігі Ұлттық мемлекеттік кітап палатасы