Бүгін әдебиеттанушы, филология ғылымдарының кандидаты Қабиболла Сыдиықұлының туғанына - 90 жыл
Қабиболла Сыдиықұлы еліміздің батыс, шығыс өңірлерін аралап, Түрікменстан, Өзбекстан, Тәжікстан экспедицияларына ғылыми жетекшілік етіп, ақын-жыраулар мұрасын, халық әндерін, шежірелер мен тарихи деректерді жинау жолында еңбек етті.
Қаламгер әдеби, мәдени, тарихи, архитектуралық мұралар, қол өнері, халықтар достығы, Маңғыстау, Атырау тарихы хақында кітаптар, әдеби, ғылыми зерттеулер, публицистикалық мақалалар мен өлеңдер, очерк, суреттемелер, әдеби мұралар жариялады.
Оның қатысуымен «Біржан сал мен ақын Сараның айтысы», «Ертедегі әдебиет нұсқалары», «Қазақ әдебиеті тарихының мәселелері» сынды құнды кітаптар жарық көрді.
Әдебиеттанушы кітаптарға, жинақтарға енген Шалкиіз, Абыл, Махамбет, Есет сынды тарихи тұлғалар мен әдеби, мәдени мұралар хақында 300-ден аса іргелі еңбек жазып қалдырды.
