23 сәуір - «Дүниежүзілік кітап және авторлық кұқық күніне»
23-04-2024
23 сәуір - «Дүниежүзілік кітап және авторлық кұқық күніне» орай Аманат партиясының қолдауымен ҚР Ұлттық мемлекеттік Кітап палатасы Аманат кітап дүкенінде жас оқырмандармен кездесу өткізді. Кездесу барысында ф.ғ.докторы, баспагер Ғарифолла Әнес, ақын Алмас Ахметбекұлы, ҚЖО төрағасының кеңесшісі Әміржан Қосанов, ҚР Ұлттық мемлекеттік кітап палатасының директоры Әділ Қойтанов, Аманат партиясы Алматы қалалық филиалы төрағасының орынбасары Қуаныш Төлепов сөз сөйлеп, ой-пікірлерімен бөлісіп, мейраммен құттықтады. Қонақтар кітаптың адам өміріндегі маңызы туралы оқырмандармен бөлісіп, жастарды кітап оқуға шақырды. «Жақсы кітап - жан азығы» демекші, оқырмандарға сыйлық ретінде «Қожаберген батыр», «Тәуба» сынды кітаптарды келген жас оқырмандарға сыйға таратты. Ұлағатты тұлғалардан ұтымды әңгімелер мен кеңестер тыңдап, студенттер өз сұрақтарына жауап алды.