Мерекелік күндер тізіміне тағы бір мереке қосылды: 23 сәуір - Ұлттық кітап күні. - Қазақстан Республикасы Мәдениет және ақпарат министрлігі Ұлттық мемлекеттік кітап палатасы

Басты бет / Жаңалықтар / Мерекелік күндер тізіміне тағы бір мереке қосылды: 23 сәуір - Ұлттық кітап күні.

Мерекелік күндер тізіміне тағы бір мереке қосылды: 23 сәуір - Ұлттық кітап күні.

09-07-2024

Үкіметтің 2024 жылғы 29 маусымдағы Қаулысымен Қазақстан Республикасындағы мереке күндерінің тізбесіне тиісті толықтырулар енгізілді.

Мерекелік күндер тізіміне тағы бір мереке қосылды:
23 сәуір - Ұлттық кітап күні.
Мерекелік күн Қазақстан Президенті Қасым-Жомарт Тоқаевтың қоғамда жоғары оқу мәдениетін қалыптастыру мақсатында үшінші ұлттық құрылтайдың негізгі сессиясында берген тапсырмасына байланысты пайда болды. Тиісті Заң жобасын әзірленіп, құжат «Ашық» порталына жарияланды.
«Алматыда кейбір кітапханалар заман талабына сай жаңғыртылды. Онда жастардың шығармашылықпен айналысып, білімін ұштауына толық мүмкіндік бар. Облыс әкімдері осы жақсы тәжірибені жалғастыруы керек», — деді Мемлекет басшысы. Қасым-Жомарт Тоқаев жастардың кітапқұмарлыққа жақын болуы жақсы қасиет екенін айтты.
Кітап - киелі қазына. Баға жетпес асыл қазынамызды мереке қатарына қосу - ҚР Ұлттық мемлекеттік Кітап Палатасы үшін, елімізде кітап шығарумен айналысатын түрлі баспаханалар мен қаламы қарымды ақын-жазушыларымыз үшін өте үлкен қуаныш. Бұл мереке жазушылардың шығармашылығына шабыт сыйлайтыны сөзсіз, сонымен қатар кітап саласының дамуына айтарлықтай үлес қосатынына сенімдіміз. Ұлттық кітап күнін атап өту - шығармашылықтың жоғары деңгейі. Ұлттық әдебиетімізді бірге жаңғыртайық!

Басқа жаңалықтар

22-07-2025

Аида Балаева, Мәдениет және ақпарат министрі: Мәдениет дау-дамайдың емес, тың идея мен ауызбірліктің алаңы болуы керек

Әр халықтың өзіндік «мәдени коды» бар – ол сол ұлтты басқалардан даралап тұратын ерекшелік.

03-07-2025

Кітап құндылығы

Былтыр Атырауда өткен Ұлттық құрылтайдағы ұтымды бастама, уақтылы қолдау арқасында Үкімет қаулысымен 23 сәуір – Ұлттық кітап күні болып бекітіліп, Тұран даласында руханият тойы салтанат құрды. Мемлекет басшысы барша қазақстандықтарды Ұлттық кітап күнімен құттықтап, арнаулы дата енгізудегі басты мақсатты айқындап берді: «Бұл – білімпаздық, ізденімпаздық, кітапқұмарлық сияқты игі қасиеттерді дәріптейтін күн. Кітап оқыған ұрпақ озық ойлы болады. Сапалы ұлт осындай құндылықтар арқылы қалыптасады».

21-05-2025

21 мамыр – Мәдениет және өнер қызметкерлері күні

Бұл мереке – ұлт руханиятының өркендеуіне, мәдени мұраны сақтау мен насихаттауға өлшеусіз үлес қосып келе жатқан мәдениет және өнер саласы қызметкерлеріне құрмет көрсету күні.

12-05-2025

Астанада баспасөз қызметтері мен БАҚ өкілдеріне арналған семинар өтеді

Мәдениет және ақпарат министрлігі 2025 жылғы 14 мамырда «KazAID» Қазақстандық халықаралық даму агенттігімен бірлесіп «Халықаралық журналистика: дамуға ресми көмек» семинары өткізілетінін хабарлайды.

08-05-2025

«Қару мен Қалам»

Ұлы Жеңістің 80 жылдығы қарсаңында жарық көріп отырған «Қару мен Қалам» атты майдангер қаламгерлер хақындағы жаңа басылым жақын арада оқырмандарына жол тартпақ.