Ұлттық мемлекеттік кітап палатасының қызметкерлері марапатталды - ҚАЗАҚСТАН РЕСПУБЛИКАСЫНЫҢ МӘДЕНИЕТ ЖӘНЕ АҚПАРАТ МИНИСТРЛІГІ АРХИВ, ҚҰЖАТТАМА ЖӘНЕ КІТАП ІСІ КОМИТЕТІНІҢ "ҚАЗАҚСТАН РЕСПУБЛИКАСЫ ҰЛТТЫҚ МЕМЛЕКЕТТІК КІТАП ПАЛАТАСЫ" РЕСПУБЛИКАЛЫҚ МЕМЛЕКЕТТІК МЕКЕМЕСІ

Басты бет / Жаңалықтар / Ұлттық мемлекеттік кітап палатасының қызметкерлері марапатталды

Ұлттық мемлекеттік кітап палатасының қызметкерлері марапатталды

15-12-2020

Қазақстан Республикасының Тәуелсіздік күні мерекесі қарсаңында ҚР Мәдениет және спорт министрлігі Тіл саясаты комитеті бірқатар қызметкерлерді құттықтады. Онлайн отырысқа Тіл саясаты комитеті, Ш.Шаяхметов атындағы «Тіл-Қазына» ғылыми-практикалық орталығы, Ұлттық мемлекеттік кітап палатасы қатысты. Тіл саясаты комитетіне қарасты Ұлттық мемлекеттік кітап палатасының бір қызметкер «Құрмет грамотасын» және алты қызметкер Алғыс хат алды.

Коронавирус пандемиясына байланысты онлайн өткен отырыс басында Тіл саясаты комитетінің төрағасы Ә.К.Қаба жыл бойы істелген жұмыстарға шолу жасап, жоспардың орындалғанын айтты. Ономастика, қазақ тілін латын қарпіне көшіру, қоғамдық маңызы бар әдебиеттерді сатып алу, басып шығару, кітап тарату, баспа ісі, әдебиеттерді насихаттау сияқты бағыттарда үлкен жұмыс атқарылған.

«Биылғы жылдың ең үлкен жетістігі – латын әліпбиін жетілдірудегі нәтиже. 11 отырыс өткізіліп, ғалымдар бірнеше мәрте бас қосты. Отырыстар саны 11-ден де көп болу керек. Ербол Тілешовтың өзі Алматыда бірнеше мәрте кездесу өткізді. Ғалымдар ұзақ талқыдан кейін ортақ шешімге келді. Халықаралық талқылаулар болды, бұл – сіздердің еңбектеріңіз», - деді Ә.Қаба.

Төраға қолынан Г.Нұралиева «Құрмет грамотасын» алса, А.Кыизбаева, Ж.Болатова, М.Есетов, С.Оңғарбекова, Г.Латипова, Ж.Жексембаева Алғыс хатпен марапатталды.

Әділбек Күнесханұлы Мәдениет және спорт министрлігі тарапынан сала қызметкерлері үшін домалуға мүмкіндік жасалып отқанын және осы бағдарлама аясында Ұлттық мемлекеттік кітап палатасына екі қызметкерге пәтер алу мүмкіндігі берілгенін атап өтті.

Онлайн жиналыстан кейін, ұжымдық жиналыс өтіп, Ұлттық мемлекеттік кітап палатасының директоры Әділ Қаженбайұлы Қойтанов мекеме қызметкерлерін Тәуелсіздік күні мерекесімен құттықтады. Ұлттық мемлекеттік кітап палатасының 11 қызметкері мекеме басшысының «Алғыс хатына» ие болды. Жыл бойы мекеме жұмыстарына белсене араласып, ерекше көзге түскен келесі қызметкерлер марапатталды:
Р.Нургельдиева
А.Халтова
М.Есимова
Д.Құдайбергенов
К.Дербисалиевна
П.Садуакасова
Ж.Болатова
А.Илгитаева
Ә.Мәдениет
З.Кетебаев
Г.Мұстафаева

Басқа жаңалықтар

01-07-2026

ҰЛТТЫҚ КІТАП ПАЛАТАСЫНА ҚР ПРЕЗИДЕНТІ ҚАСЫМ-ЖОМАРТ КЕМЕЛҰЛЫ ТОҚАЕВ АТЫНАН ЖАҢА КОНСТИТУЦИЯНЫҢ АРНАЙЫ БАСЫЛЫМЫ ТАБЫСТАЛДЫ

Қазақстан Республикасының Ұлттық мемлекеттік кітап палатасына Қазақстан Республикасы Президенті Қасым-Жомарт Кемелұлы Тоқаевтың атынан еліміздің жаңа Конституциясының арнайы басылымы салтанатты түрде табысталды.

30-06-2026

ЫНТЫМАҚТАСТЫҚ ЖӘНЕ ӨЗАРА ІС-ҚИМЫЛ ТУРАЛЫ МЕМОРАНДУМҒА ҚОЛ ҚОЙЫЛДЫ

Қазақстан Республикасы Мәдениет және ақпарат министрлігі Архив, құжаттама және кітап ісі комитетінің «Қазақстан Республикасының Ұлттық мемлекеттік кітап палатасы» республикалық мемлекеттік мекемесі мен «М. Жұмабаев атындағы Ақмола облыстық әмбебап ғылыми кітапханасы» коммуналдық мемлекеттік мекемесі арасында ынтымақтастық және өзара іс-қимыл туралы меморандумға қол қойылды.

26-06-2026

Қазақстан кітапханалар одағының «Жаһандық көзқарас және тұрақты даму: кітапханалардың болашақты құрудағы рөлі» атты кезекті көшпелі отырысы

Мағжан Жұмабаев атындағы Ақмола облыстық әмбебап ғылыми кітапханасында өткізіліп жатқан көшпелі отырыс аясында, Қазақстан Республикасының Ұлттық мемлекеттік кітап палатасының директоры Асхат Құсайынұлы Байұзақов «Кітапхана және кітап баспа ісі туралы» Қазақстан Республикасы Заңының жобасы бойынша баяндама жасады.

22-06-2026

Софы Қалыбекұлы Сматаев

ҚР Ұлттық мемлекеттік кітап палатасының ұжымы көрнекті жазушы, драматург, аудармашы, қоғам қайраткері, Кітап палатасының ұзақ жылдар бойы бас директоры болған Софы Сматаевты 85 жас мерейтойымен шын жүректен құттықтайды!

22-06-2026

Кітап палатасы халықаралық кітап көрмесінде Қазақстанның баспа өнімдерін таныстырды

2026 жылғы 17–21 маусым аралығында өткен Азиядағы ең ірі халықаралық кітап форумдарының бірі – Бейжің халықаралық кітап көрмесі табысты қорытындыланды.