Қаржы және экономика бөлімі мекеменің қаржы-шаруашылық қызметін ұйымдастыруды, бухгалтерлік есеп пен қаржылық есептілікті жүргізуді, бюджеттік қаражаттың мақсатты және тиімді пайдаланылуын қамтамасыз ететін құрылымдық бөлім болып табылады.
Бөлім өз қызметін Қазақстан Республикасының бюджет, бухгалтерлік есеп және қаржылық есептілік, салық заңнамаларына, сондай-ақ өзге де нормативтік құқықтық актілерге сәйкес жүзеге асырады.
Бөлімнің негізгі міндеттері мен функциялары:
- бухгалтерлік, салықтық, статистикалық және басқарушылық есеп талаптарына сәйкес бухгалтерлік есеп жүйесін қалыптастыру және жүргізу;
- бюджеттік бағдарламалар мен сметалардың орындалуын қамтамасыз ету, шығыстардың негізділігі мен заңдылығын бақылау;
- мүліктің, міндеттемелердің, негізгі құралдардың, материалдық қорлардың және өзге де активтердің есебін ұйымдастыру;
- қаржылық нәтижелерді айқындау және талдау;
- салықтар мен бюджетке төленетін басқа да міндетті төлемдердің, әлеуметтік аударымдардың және өзге де міндетті төлемдердің уақытылы әрі толық аударылуын қамтамасыз ету;
- еңбекақы қорын жоспарлау және оның тиімді жұмсалуына бақылау жүргізу, қызметкерлермен еңбекақы және өзге де төлемдер бойынша есеп айырысуды дұрыс жүргізуді қамтамасыз ету;
- қаржылық және кассалық тәртіптің сақталуын бақылау;
- түгендеу жұмыстарын ұйымдастыру және өткізуге қатысу;
- бюджет қаражатының атқарылуы туралы есептерді, бухгалтерлік және статистикалық есептілікті дайындау және белгіленген тәртіппен уәкілетті органдарға ұсыну;
- бухгалтерлік құжаттардың сақталуын қамтамасыз ету және оларды белгіленген тәртіппен архивке тапсыру;
- материалдық жауапты тұлғалардың тағайындалуын келісу, олармен түсіндіру және нұсқаулық жұмыстарын жүргізу;
- мекеме басшысы өткізетін қаржылық-экономикалық мәселелерге қатысты кеңестерге қатысу.
Бөлім өз құзыреті шегінде мекеменің тұрақты әрі тиімді қаржы қызметін қамтамасыз етуге, қаржылық тәуекелдерді төмендетуге және заңнама талаптарының сақталуына жауап береді.
