Қазақстан Республикасы Мәдениет және спорт министрлігі Тіл саясаты комитетінің жаңа төрағасы Әділбек Күнесханұлы Қаба ҚР Ұлттық мемлекеттік кітап палатасының және Шайсұлтан Шаяхметов  «Тіл-Қазына» ұлттық ғылыми-практикалық орталығының қызметкерлерімен кездесті. 
ZOOM платформасы арқылы өткен онлайн басқосуда Әділбек Қаба, Әлібек Асқар, Ербол Тілешов, Толқын Салменбаева баяндама жасады. Тіл саясаты комитетінің төрағасы Әділбек Күнесханұлы алдағы жоспарлар туралы пікірін білдіріп, кез келген жобаны жүзеге асыруға көмек беруге дайын екенін жеткізді. 
ҚР Ұлттық мемлекеттік кітап палатасы директорының орынбасары Толқын Тұрғалиқызы мекеменің тыныс-тіршілігі, атқарылған шаралар мен жүзеге асырылып жатқан жобалар, алдағы жоспарлар туралы сөз қозғады. 
«Кітап палатасында Әділ Қаженбайұлының бастамасымен бірнеше жобалар жүзеге асты. Оның қатарында Қазақстан Жазушылар Одағының мүшелеріне жеке веб-сайт ашып беруге мүмкіндік берген «Smart Qalamger» жобасы, әлі күнге дейін жалғасып келе жатқан «Асыл сөз» сұхбат жобасы бар. Сонымен қатар балалар шығармашылығымен айналысып жүрген қаламгерлерді қолдау мақсатында «Лучший балалар шығармасы» байқауын жарияладық. Қазақ балалар әдебиетінің «Алтын қорын» құру жобасы да жүзеге асырылуда», - деді ол. 
Әділбек Күнесханұлы өз кезегінде ҚР Ұлттық мемлекеттік кітап палатасындың «Баспасөз мұрағатындағы» ахуал туралы сұрап, қажет көмекпен қамтамасыз етуге мүдделі екенін айтты. 
«Кітап палатасында еліміздің көлемінде жарық көрген бүкіл басылымның міндетті даналары сақталған. Оларды цифрландыру мәселесіне көңіл аударуымыз қажет. Өйткені қағаз мәңгі өмір сүрмейді. Заман ықпалына қарай бейімделіп отыруға міндеттіміз. Қажеттіліктер туралы хат жолдасаңыздар, барынша көмек беруге тырысамыз», - деді төраға. 
Кездесу барысында «Тіл-Қазына» ұлттық ғылыми-практикалық орталығының директоры Әлібек Асқар мен орталықтық атқарушы директоры Ербол Тілешов тіл мәселесі, латын әліпбиі тақырыбындағы жаңалықтарымен бөлісті. 

Фотоgalereya