«Кітап ісі: кеше, бүгін, ертең» - ҚАЗАҚСТАН РЕСПУБЛИКАСЫНЫҢ МӘДЕНИЕТ ЖӘНЕ АҚПАРАТ МИНИСТРЛІГІ АРХИВ, ҚҰЖАТТАМА ЖӘНЕ КІТАП ІСІ КОМИТЕТІНІҢ "ҚАЗАҚСТАН РЕСПУБЛИКАСЫ ҰЛТТЫҚ МЕМЛЕКЕТТІК КІТАП ПАЛАТАСЫ" РЕСПУБЛИКАЛЫҚ МЕМЛЕКЕТТІК МЕКЕМЕСІ

Басты бет / Жаңалықтар / «Кітап ісі: кеше, бүгін, ертең»

«Кітап ісі: кеше, бүгін, ертең»

15-04-2022

Әл-Фараби атындағы Қазақ ұлттық университеті Журналистика факультетінің Т. Қожакеев атындағы акті залында ҚР Ұлттық мемлекеттік кітап палатасының директоры, Қазақстан баспагерлер, полиграфистер және кітап таратушылар Ассоциациясының президенті Әділ Қойтановтың «Кітап ісі: кеше, бүгін, ертең» атты шеберлік сағаты өткізілді. Бұл жиынға Баспагерлік-редакторлық және дизайнерлік өнер кафедрасының меңгерушісі, филология ғылымдарының докторы, профессор Айгүл Рамазан, осы кафедра доценті, «Қазығұрт» баспасының директоры Темірғали Көпбаев, дизайн өнерінің майталманы Бейсен Серікбай, аға оқытушы Назкен Жансерікқызы және болашақ баспагер студенттер қатысты.
Баспагерлік-редакторлық және дизайнерлік өнер кафедрасының ұйымдастыруымен өткен шараны Журналистика факультетінің деканы Сансызбай Мәдиев ашып берді. Мұнан кейін бас баспагер Әділ Қаженбайұлы сөз алып, қазақ басылымының өткені мен бүгіні және болашағы жөнінде, сондай-ақ Кітап палатасының тарихы мен атқаратын қызметі һәм жоба-жоспарлары туралы кеңінен әңгімеледі. Сөз арасында жас мамандардың сауалдарына жауап берді.
Мәнді де мазмұнды өткен шара барысында кафедра студенттері Ерасыл Сайлауғали, Динара Боранбай өлең оқып, Қарашаш Сембек ән салды. Сөйтіп жиынға қатысушыларды бір серпілтіп тастады.
Кеш соңында Баспагерлік-редакторлық және дизайнерлік өнер кафедрасының меңгерушісі Айгүл Әмірғалиқызы шеберлік сағатты жүргізген Әділ Қаженбайұлына алғыс айтып, қара шаңырақ атынан кәдесый жасады.

Ермахан Шайхыұлы

Суреттерді түсірген
Ерасыл Сайлауғали

Басқа жаңалықтар

10-08-2026

«Айбоз» ұлттық әдеби сыйлығына өтінім қабылдау жалғасып жатыр.

Бұл – қазақ әдебиетінің дамуына үлес қосып жүрген талантты авторлардың шығармашылығын қолдауға және үздік туындыларды дәріптеуге бағытталған маңызды жоба.

28-07-2026

XXIII халықаралық «Искусство книги» байқауына 23–24 шілде аралығында Минск қаласында ТМД елдерінің кітап ісі саласындағы арнайы номинациялар бойынша дауыс беру кезеңі өтті.

Аталған кезеңде қатысушы мемлекеттер ұсынған басылымдар әділ қазылар тарапынан жан-жақты қаралып, әр номинация бойынша үздік жұмыстарды анықтау мақсатында дауыс беру рәсімі жүргізілді

28-07-2026

2026 жылғы 22–24 шілде аралығында Беларусь Республикасының Минск қаласында дәстүрлі түрде ұйымдастырылатын «Искусство книги» халықаралық байқауы өтті.

Іссапар аясында Асхат Құсайынұлы Беларусь Республикасының кітап ісі мен баспа саласының қызметімен жан-жақты танысты. Сонымен қатар Ұлттық Беларусь кітапханасы мен Беларусь Кітап палатасында болып, мекемелердің негізгі бағыттары, құжаттарды сақтау және ғылыми-библиографиялық жұмыстарымен танысты.

01-07-2026

ҰЛТТЫҚ КІТАП ПАЛАТАСЫНА ҚР ПРЕЗИДЕНТІ ҚАСЫМ-ЖОМАРТ КЕМЕЛҰЛЫ ТОҚАЕВ АТЫНАН ЖАҢА КОНСТИТУЦИЯНЫҢ АРНАЙЫ БАСЫЛЫМЫ ТАБЫСТАЛДЫ

Қазақстан Республикасының Ұлттық мемлекеттік кітап палатасына Қазақстан Республикасы Президенті Қасым-Жомарт Кемелұлы Тоқаевтың атынан еліміздің жаңа Конституциясының арнайы басылымы салтанатты түрде табысталды.

30-06-2026

ЫНТЫМАҚТАСТЫҚ ЖӘНЕ ӨЗАРА ІС-ҚИМЫЛ ТУРАЛЫ МЕМОРАНДУМҒА ҚОЛ ҚОЙЫЛДЫ

Қазақстан Республикасы Мәдениет және ақпарат министрлігі Архив, құжаттама және кітап ісі комитетінің «Қазақстан Республикасының Ұлттық мемлекеттік кітап палатасы» республикалық мемлекеттік мекемесі мен «М. Жұмабаев атындағы Ақмола облыстық әмбебап ғылыми кітапханасы» коммуналдық мемлекеттік мекемесі арасында ынтымақтастық және өзара іс-қимыл туралы меморандумға қол қойылды.