Құрметті оқырман! Бүгіннен бастап сіздерді мемлекеттік бағдарлама аясында жарық көрген кітаптармен таныстыруды бастаймыз.

Назарларыңызға Мемлекеттік сыйлықтың лауреаты Қажығали Мұханбетқалиұлының «Тар кезең» романын ұсынамыз. Бұл роман – қазақ әдебиетіндегі шоқтығы биік, қабырғалы туындылардың бірі.

Романда Ресей патшасының Еділ мен Жайық өзендерінің арасындағы аса шұрайлы жайылымдық жерлерді отарлау саясатына қарсы көтерілген елді бастаған әрі батыр, әрі би Сырым Датұлының ерлігі, жорықтары мен саяси ұстанымдары, сол дәуірдегі қазақ даласының жай-күйі көркем суреттеледі.

«Тар кезең» тұтас бір дәуірді, отаршылдық саясатының қанат жайып, тамырлай бастаған кезеңін баяндайды. Кітап мазмұнына қарай танымдық иллюстрациялық материалдармен безендірілген.

Романды оқыған оқырман Сырым Датұлының ұлтарақтай жері үшін жан пида етуге дайын қазақ халқының асқақ рухын, өр мінезін, ақиқат іздеген қауымның жанайқайын айқын сезіне алады.

Роман жеңіл оқылады әрі оқырманды қазақ тарихының тұтас кезеңнің тыныс-тіршілігімен етене таныстырады.

«Тар кезең» романын мына сілтемені басып, оқи аласыз.