Өзбекстанда халықаралық «Tashkent Book Fest-2022» көрме-жәрмеңкесі жалғасып жатыр.

«Узэкспомарказ» кешенінде өтіп жатқан халықаралық жәрмеңкенің ашылу салтанатында Өзбекстан Президент әкімшілігі жанындағы Бұқаралық байланыс және ақпарат агенттігінің директоры Асаджон Ходжаев: «Көрмеге Армения, Беларусь, Ұлыбритания, Үндістан, Қазақстан, Қырғызстан, Ресей Федерациясы, Тәжікстан, Түркия секілді 9 елдің 47 жетекші баспа компаниясы мен қауымдастық қатысып жатыр. Мұның ішінде отандық 100-ден астам баспа мен полиграция компаниялары бар», - деп атап өтті.

Құрметті қонақтар ішінде ҚР Ұлттық мемлекеттік кітап палатасының директоры Әділ Қойтанов, Беларусь ақпарат министрінің орынбасары Игорь Бузовский, Ресей кітап одағының президенті Сергей Степашин және Түркия кітапхана-баспа агенттігінің бас директоры Али Одабашиге сөз берілді.

Жәрмеңкенің мақсаты – кітап оқуды насихаттау, қатысушы елдердің әдеби мұрасын дамытуға қолдау білдіру, оқырмандардың мәдениетін қалыптастыру, баспа ісі саласындағы халықаралық тәжірибені үйрену жән т.б. Сондай-ақ, кітап көрмесі аясында түрлі мәденет қайраткерлерімен, автормен кездесу ұйымдастырылады.

Айта кетейік, алғашқы жәрмеңке 2019 жылы өтсе, екінші Ташкен кітап көрмесі 2020 жылы өткен болатын. Оған Белгия, Ұлябритания, Германия, Қазақстан, Израиль, Үндістан, Қырғызстан, Ресей, Түркия, Франция елдерімен қатар Өзбекстанның 30-дан астам жекеменшік және мемлекеттік баспа өкілдері қатысқан еді.