Алматы қаласы, Медеу ауданы, Пушкин көшесі, 2/76 үй. 8 (727) 397-61-15
Қазақстан Республикасы Мәдениет және ақпарат министрлігі
Ұлттық мемлекеттік кітап палатасы
Басты бет / Жаңалықтар / Жүргеновтің туғанына 125 жыл: Асхат Оралов Президенттің құттықтау хатын оқып берді
Жүргеновтің туғанына 125 жыл: Асхат Оралов Президенттің құттықтау хатын оқып берді
15-03-2023

Бүгін аса көрнекті мемлекет және қоғам қайраткері Темірбек Жүргеновтің 125 жылдық мерейтойы басталды.

Республикалық көлемде өткізілетін мерейтойлық іс-шараның ашылуы Алматыда Абай атындағы ұлттық опера және балет театрында өтті.

Бұл шараны Мәдениет және спорт министрлігінің ұйымдастыруымен, Алматы қаласы әкімдігінің қолдауымен Темірбек Жүргенов атындағы қазақ ұлттық өнер академиясы өткізіп отыр.

Салтанатты шарада Мәдениет және спорт министрі Асхат Оралов Мемлекет басшысы Қасым-Жомарт Тоқаевтың құттықтау хатын оқып берді.

«Қадірлі қауым! Ардақты ағайын!

Баршаңызды түркітілдес халықтардың мәдениеті мен өнерін дамыту ұйымы ТүркСОЙ аясындағы Темірбек Жүргенов жылының салтанатты ашылуымен шын жүректен құттықтаймын. Темірбек Жүргенов ұлт руханиятын өркендетуге ерекше үлес қосқан көрнекті мемлекет және қоғам қайраткері. Ол еліне адал қызмет етіп, отансүйгіштіктің озық үлгісін көрсеткен халқымыздың біртуар перзенті.

Темірбек Қараұлы халық ағарту комиссариятын басқарған кезде мектеп салу ісіне көп көңіл бөлініп, жұрттың жаппай сауатын ашу ісі жанданды. Қазақ мектептері туралы арнайы қаулы қабылданып, жас жеткіншектердің ана тілінде білім алуына мүмкіндік туды. Сондай-ақ, ол мәдениет саласын дамытуға зор үлес қосты. Еліміздегі алғашқы музыка театрын ұйымдастыруға тікелей атсалысып, қазақ өнерінің қанат жаюуына ықпал етті. Дарынды жандардың шығармашылықпен айналысуына жағдай жасады.

Халқымыз Темірбек Жүргеновтің елге сіңірген ерен еңбегін ешқашан ұмытпайды. Төл тарихымызда өшпес із қалдырған тұлғаның өнегелі өмірі өскелең ұрпаққа үлгі болары сөзсіз. ТүркСОЙ ұйымы аясында түркі жұртына ортақ бірегей тұлғалардың ғибратты ғұмыры, еңбек жолы әрдайым дәріптеле береді деп сенемін. Баршаңызға амандық, толағай табыс тілеймін!»- делінген Мемлекет басшысының құттықтау сөзінде.

Биыл қайраткердің мерейтойы ТҮРКСОЙ аясында өтеді.

Т.Жүргенов Халық ағарту комиссары болған жылдары еліміздің ең іргелі ЖОО, өнер мекемелері мен кәсіптік техникумдары, мыңдаған мектептер құрылды.

Оның ішінде қазіргі ҚазҰУ, АлМУ, ҚазҰАЗУ, ҚазҰМУ және Абай атындағы опера және балет театры, Жамбыл атындағы филармония, Құрманғазы атындағы ұлт аспаптары оркестрі және тағы басқалар бар.

Ол кеңестік тәжік, өзбек елдерінде қызмет атқарған жылдары да өзге түркі тектес елдердің мәдениетін дамытуға ұйытқы болды.
«Темір нарком» атанған Т.Жүргенов те сталиндік репрессия құрбаны болып жазықсыз жапа шеккен қайраткерлердің бірі.

Мерейтойлық іс-шарада қайраткер өміріне арналған арнайы кітап көрмесі өтіп, жазушы Бейбіт Қойшыбаевтың «Комиссар Жүргенов» кітабы таныстырылды.

Т.Жүргенов ғұмырынан сыр шертетін театрландырылған қойылым ұсынылды.

Дереккөз: kazgazeta.kz

Басқа жаңалықтар
23-04-2024
23 сәуір - «Дүниежүзілік кітап және авторлық кұқық күніне»
23-04-2024
Бүгін ҚР Ұлттық академиялық кітапханасына 20 жыл
23-04-2024
Қазақстан мен Қырғызстан президенттері Айкөл Манас ескерткішінің ашылу рәсіміне қатысты
23-04-2024
Мемлекет басшысы Қырғызстан Президенті Садыр Жапаровты І дәрежелі «Достық» орденімен марапаттады
23-04-2024
Қасым-Жомарт Тоқаев пен Садыр Жапаров Қазақстан мен Қырғызстанның Жоғары мемлекетаралық кеңесінің отырысына қатысты
8 (727) 397-61-15
Алматы қаласы, Медеу ауданы, Пушкин көшесі, 2/76 үй
© 2024 Қазақстан Республикасы Мәдениет және ақпарат министрлігі Ұлттық мемлекеттік кітап палатасы