Алматы қаласы, Медеу ауданы, Пушкин көшесі, 2/76 үй. 8 (727) 397-61-15
Қазақстан Республикасы Мәдениет және ақпарат министрлігі
Ұлттық мемлекеттік кітап палатасы
Басты бет / Жаңалықтар / Елордада алғаш рет Наурыз мейрамына орай ұйымдастырылған «Наурыз бал» атты іс-шара өтті
Елордада алғаш рет Наурыз мейрамына орай ұйымдастырылған «Наурыз бал» атты іс-шара өтті
20-03-2024

        Бұл кеш түрлі елдердің дипломатиялық корпусын, халықаралық ұйым басшыларын және шетелдік компаниялар өкілдерін жинаған ерекше мереке болды.
📌Мәдениет және ақпарат министрі Аида Балаева Наурыз мейрамын тойлаудың жаңа форматына тоқталып, Ұлттық құрылтайдың үшінші отырысында Мемлекет басшысы сөз еткен негізгі тезистерді атап өтті. Сонымен қатар министр мәдени мұраны насихаттау мен оны әлемдік аренада таныту мақсатында министрлік тарапынан жасалған жобаларға тоқталды.
🌐Соның ішінде аталмыш іс-шара барысында таныстырылымы өткен Qazaq сulture ақпараттық-танымдық порталы бар. Онлайн портал Мемлекет басшысының еліміздің мәдени мұрасын таныту, ұлттық брендті, тарих пен мәдениетті насихаттау тапсырмасы аясында іске қосылып отыр. Qazaq Culture Қазақстанның көп қырлы мәдениеті мен бай тарихының айрықша белгісіне айналмақ.
🤝Мерекелік іс-шарада Қазақстандағы тұңғыш көпұлтты «BIRLIK» ән-би ансамблі де өнерін көрсетті. Ұжым көпұлтты бірлік пен мәдениетаралық диалогтың бірегей үлгісін көрсетті.
🎶Сонай-ақ кеш қонақтарына бірнеше ай бұрын «ZHOSHY» фольклорлық ансамблі таныстырылды. Ансамбль мүшелері желбуаз, мес сырнай, уілдек, тастауық сияқты сирек кездесетін музыкалық аспаптарда ойнайды.
Дипломатиялық балдың құрметті қонақтары да қазақстандықтарды Наурыз мейрамымен құттықтады.
📌«Наурыз мерекесімен шын жүректен құттықтамын! Барша қазақстандықтарға зор денсаулық, бақыт, жақсылық пен амандық тілеймін! Бұл қуаныш пен жаңару кезеңі сіздердің жүректеріңізге жарқын және жылы сезім ұялатсын, ал үйлеріңізге бейбітшілік пен амандық әкелсін», – деді БҰҰ-ның Тұрақты үйлестірушісі Микаэль Фриберг-Стори.
📌«Бұл мейрам — адамдарға бақытты өмір сүруге, дамуға, өркендеуге, достық, береке мен махаббатқа үміт сыйлайтын көктемгі жаңару мерекесі. Наурыз бірлік пен тұрақтылық мейрамына айналып, үйлеріңізге бақыт әкелсін және ойлаған дүниенің барлығы жүзеге ассын», – деді Орталық Азия бойынша субаймақтық үйлестіруші, Қазақстан, Қырғызстан, Түрікменстан және Өзбекстандағы ХКҰ миссиясының басшысы Зейнал Гаджиев.



Басқа жаңалықтар
23-04-2024
23 сәуір - «Дүниежүзілік кітап және авторлық кұқық күніне»
23-04-2024
Бүгін ҚР Ұлттық академиялық кітапханасына 20 жыл
23-04-2024
Қазақстан мен Қырғызстан президенттері Айкөл Манас ескерткішінің ашылу рәсіміне қатысты
23-04-2024
Мемлекет басшысы Қырғызстан Президенті Садыр Жапаровты І дәрежелі «Достық» орденімен марапаттады
23-04-2024
Қасым-Жомарт Тоқаев пен Садыр Жапаров Қазақстан мен Қырғызстанның Жоғары мемлекетаралық кеңесінің отырысына қатысты
8 (727) 397-61-15
Алматы қаласы, Медеу ауданы, Пушкин көшесі, 2/76 үй
© 2024 Қазақстан Республикасы Мәдениет және ақпарат министрлігі Ұлттық мемлекеттік кітап палатасы