Алматы қаласы, Медеу ауданы, Пушкин көшесі, 2/76 үй. 8 (727) 397-61-15
ҚАЗАҚСТАН РЕСПУБЛИКАСЫНЫҢ МӘДЕНИЕТ ЖӘНЕ АҚПАРАТ МИНИСТРЛІГІ АРХИВ, ҚҰЖАТТАМА ЖӘНЕ КІТАП ІСІ КОМИТЕТІНІҢ "ҚАЗАҚСТАН РЕСПУБЛИКАСЫ ҰЛТТЫҚ МЕМЛЕКЕТТІК КІТАП ПАЛАТАСЫ" РЕСПУБЛИКАЛЫҚ МЕМЛЕКЕТТІК МЕКЕМЕСІ
Аида Балаева ШЫҰ Бас хатшысы Чжан Минмен кездесті
⠀
ҚР Мәдениет және ақпарат министрі Аида Балаева ШЫҰ Бас хатшысы Чжан Минмен кездесті. Кездесу Шанхай Ынтымақтастық Ұйымының туристік және мәдени астанасы Алматы қаласында өтті. Бұл мәртебе мемлекет басшысы Қасым-Жомарт Тоқаевтың бастамасымен ШЫҰ-ға төрағалық еткен кезде бекітілді.
«Қазақстан Президенті ШЫҰ-ға мүше мемлекеттер арасындағы берік қарым-қатынастың негізі мәдени-гуманитарлық саладағы ынтымақтастық екенін бірнеше рет атап өтті. Шанхай ұйымы Еуразия құрлығындағы он мемлекетті біріктіреді, онда планета халқының жартысына жуығы тұрады. Біздің халықтарымыздың мәдени әртүрлілігі мәдени алмасу мен мәдениет саласында керемет перспективаларға жол ашады», - деді министр.
Ведомство басшысы мына мәселелерді атап өтті:
• ШЫҰ-ға мүше мемлекеттердің мәдениет министрлері кездескен 21-ші кеңесте бірлескен жұмыстың аралық нәтижелері қорытындыланып, перспективалар талқыланғанын еске салды;
• Мәдени байланыстың жемісті тәжірибелерінің бірі – «Мәдениет күндері» мен бірлескен мәдени іс-шаралар өткізу.
2022-2023 жылдары Қазақстанда төмендегі елдердің Мәдениет күндері аталып өтті:
• Ресей;
• Қырғызстан;
• Өзбекстан;
• Тәжікстан.
Сондай-ақ Қазақстанның мәдениет күндері сәтті ұйымдастырылып өткізілді:
• Ресей;
• Әзербайжан.
Биыл Тәжікстан мен Түрікменстандағы Қазақстанның мәдениет күндері аясында бірқатар іс-шаралар жоспарлануда.
Министр ШЫҰ қолдауымен осы тәжірибені жалғастыру мәдениет пен халықтардың одан әрі терең байланысына ықпал ететініне сенім білдірді.
2023 жылы Қасым-Жомарт Тоқаевтың бастамасымен «ШЫҰ-ның Киелі орындары» жобасы қолға алынды, оның аясында Мәдениет және ақпарат министрлігі ұлы ойшыл Қожа Ахмет Яссауидің кесенесін қайта жаңарту жұмыстарын жүргізуде.
Өз кезегінде Чжан Мин министрдің барлық ұсыныстарын қолдауға және оларды іске асыруда жан-жақты көмек көрсетуге дайын екенін білдірді.
Басқа жаңалықтар
10-08-2026
«Айбоз» ұлттық әдеби сыйлығына өтінім қабылдау жалғасып жатыр.
Бұл – қазақ әдебиетінің дамуына үлес қосып жүрген талантты авторлардың шығармашылығын қолдауға және үздік туындыларды дәріптеуге бағытталған маңызды жоба.
28-07-2026
XXIII халықаралық «Искусство книги» байқауына 23–24 шілде аралығында Минск қаласында ТМД елдерінің кітап ісі саласындағы арнайы номинациялар бойынша дауыс беру кезеңі өтті.
Аталған кезеңде қатысушы мемлекеттер ұсынған басылымдар әділ қазылар тарапынан жан-жақты қаралып, әр номинация бойынша үздік жұмыстарды анықтау мақсатында дауыс беру рәсімі жүргізілді
28-07-2026
2026 жылғы 22–24 шілде аралығында Беларусь Республикасының Минск қаласында дәстүрлі түрде ұйымдастырылатын «Искусство книги» халықаралық байқауы өтті.
Іссапар аясында Асхат Құсайынұлы Беларусь Республикасының кітап ісі мен баспа саласының қызметімен жан-жақты танысты. Сонымен қатар Ұлттық Беларусь кітапханасы мен Беларусь Кітап палатасында болып, мекемелердің негізгі бағыттары, құжаттарды сақтау және ғылыми-библиографиялық жұмыстарымен танысты.
01-07-2026
ҰЛТТЫҚ КІТАП ПАЛАТАСЫНА ҚР ПРЕЗИДЕНТІ ҚАСЫМ-ЖОМАРТ КЕМЕЛҰЛЫ ТОҚАЕВ АТЫНАН ЖАҢА КОНСТИТУЦИЯНЫҢ АРНАЙЫ БАСЫЛЫМЫ ТАБЫСТАЛДЫ
Қазақстан Республикасының Ұлттық мемлекеттік кітап палатасына Қазақстан Республикасы Президенті Қасым-Жомарт Кемелұлы Тоқаевтың атынан еліміздің жаңа Конституциясының арнайы басылымы салтанатты түрде табысталды.
30-06-2026
ЫНТЫМАҚТАСТЫҚ ЖӘНЕ ӨЗАРА ІС-ҚИМЫЛ ТУРАЛЫ МЕМОРАНДУМҒА ҚОЛ ҚОЙЫЛДЫ
Қазақстан Республикасы Мәдениет және ақпарат министрлігі Архив, құжаттама және кітап ісі комитетінің «Қазақстан Республикасының Ұлттық мемлекеттік кітап палатасы» республикалық мемлекеттік мекемесі мен «М. Жұмабаев атындағы Ақмола облыстық әмбебап ғылыми кітапханасы» коммуналдық мемлекеттік мекемесі арасында ынтымақтастық және өзара іс-қимыл туралы меморандумға қол қойылды.
8 (727) 397-61-15
Алматы қаласы, Медеу ауданы, Пушкин көшесі, 2/76 үй
