Бүгінгі Пленарлық отырыста вице-премьер, Ұлттық экономика министрі Серік Жұманғарин “Әлеуметтік маңызы бар тауарларға қосымша құн салығы салынбайды” деп бірнеше саланың атын атап, түсін түстеп айтты.
Осы орайда, кітап шығару ісі қосымша құн салығынан босатылатыны туралы мәлімет көңіл қуантты.
Идеологиялық салмағы басым бұл ұсынысты негізі депутаттар берген. Үкімет ары ойланды, бері ойланды, ақыры осы шешімге келді. Кітапты басып шығару ісі — бірінші кезекте бизнес шығар…
Алайда, бұл ең алдымен — ИДЕОЛОГИЯ!
ТІЛДІҢ ДЕ, ДІЛДІҢ ДЕ БАСТАУЫ — КІТАПТА!
Кітап ісіне, жалпы кітап оқу мәдениетіне Мемлекет Басшысы өзі бастап ерекше назар аударуда. Ал онсыз да күнін әрең көріп жүрген баспагерлерге ҚҚС салынатын болса шақшадай басы шарадай болар еді.
Ал, салықтан сансырған балалар әдебиетінің жай-күйін елестете беріңіз…
Одан қалса, онсыз да алабота басып тұрған отандық кітап нарығымыз жауыннан кейінгі саңырауқұлақтай шетелдік өнімдерге толары даусыз.
БҰЛ — ҮЛКЕН ЖЕҢІС!
ТАБАНДЫ ТАЛҚЫЛАУЛАРДЫҢ ЖЕМІСІ!
