Астана қаласында Тұңғыш Президент музейінде Қазақстан Республикасының Конституциясының 30 жылдығына арналған «Ата Заң – халықтың таңдауы, мемлекет тірегі» көрмесінің ашылуы өтті. Іс-шараға еліміздің белгілі құқықтанушылары мен мемлекет қайраткерлері – И.И. Рогов, А.М. Нұрмағамбетов, В.В. Волков және т.б. қатысты. Экспозиция материалдары Конституцияның эволюциясы барысында саяси жүйедегі өзгерістерді көрсетіп, қазақ құқықтық санасының дәстүрлерін қазіргі конституционализм қағидаттарымен байланыстыратын құқықтық құрал ретінде ұсынылды. Көрменің маңызды бөлігін Ұлттық мемлекеттік кітап палатасының қорларынан алынған 1990–1995 жылдардағы мерзімді басылымдар мен кітаптар құрайды. Олардың мазмұнында тәуелсіздіктің алғашқы жылдарындағы негізгі саяси және қоғамдық үдерістер бейнеленіп, қазақстандық мемлекеттіліктің құқықтық негіздерінің қалыптасу барысын айқындауға мүмкіндік береді. Көрме қараша айына дейін жалғасады.