Сөзден іске! - ҚАЗАҚСТАН РЕСПУБЛИКАСЫНЫҢ МӘДЕНИЕТ ЖӘНЕ АҚПАРАТ МИНИСТРЛІГІ АРХИВ, ҚҰЖАТТАМА ЖӘНЕ КІТАП ІСІ КОМИТЕТІНІҢ "ҚАЗАҚСТАН РЕСПУБЛИКАСЫ ҰЛТТЫҚ МЕМЛЕКЕТТІК КІТАП ПАЛАТАСЫ" РЕСПУБЛИКАЛЫҚ МЕМЛЕКЕТТІК МЕКЕМЕСІ

Сөзден іске!

22-05-2026

Ел Президенті Қасым-Жомарт Кемелұлы Тоқаевтың өткен 2025 жылды «Жұмысшы мамандықтары жылы» деп жариялағаны әлі ұмытыла қоймаған болар? Осы тұрғыда Қазақстан Республикасы Мәдениет және ақпарат министрлігі елімізде көптеген игі шаралар ұйымдастырды. Соның бірі «Ерлік пен еңбек дастаны» байқауы.
Бұл байқаудың негізгі мақсаты қоғамдағы еңбек мамандықтарының маңыздылығы туралы оң пікір қалыптастыру. Қарапайым еңбек адамының өз ісіне деген адалдығы мен сүйіспеншілігін, әр мамандықтың ерекшелігін көрсететін туындылардың жазылуына ықпал ету арқылы еңбек адамдарын насихаттау болатын.
Шыны керек, біраз уақыттан бері біздің қоғамда бүгінгі нағыз еңбек адамының беделі елеусіздеу қалып келгені жасырын емес-тін. Осы байқау арқылы еңбек адамын қадірлеу, кәсіби жұмысшы мамандығының беделін көтеру ұйымдастырылған-ды.
Ал күні кеше, 21 мамыр – Мәдениет және өнер қызметкерлері күні қарсаңында ондаған еңбек адамдарымен бірге Қазақстан Республикасы Ұлттық мемлекеттік кітап палатасының қос бірдей қызметкеріне де адал еңбегі үшін мемлекет тарапынан пәтер кілті табыс етілді.
Солардың бірі Айжан Мұратқызы бұл салада он жылдан бері жұмыс істеп қана қоймай, осы мекемеде табан аудармастан 43 жыл қызмет еткен анасы Дербісалина Банудың ізін жалғастырушы болса, Қошанова Құралай осы ұжымда 18 жылдан бері үздіксіз еңбек етіп келеді. Бұл дегеніміз тек қана адал еңбектің ақталуы емес, сөзден іске көшудің нақты дәлелі деп түсіндік.
Осы тұрғыда Ел Президенті Қасым-Жомарт Тоқаев мырзаға ұжым атынан зор Алғыс айтамыз!

«Кітап палатасы»

Басқа жаңалықтар

01-07-2026

ҰЛТТЫҚ КІТАП ПАЛАТАСЫНА ҚР ПРЕЗИДЕНТІ ҚАСЫМ-ЖОМАРТ КЕМЕЛҰЛЫ ТОҚАЕВ АТЫНАН ЖАҢА КОНСТИТУЦИЯНЫҢ АРНАЙЫ БАСЫЛЫМЫ ТАБЫСТАЛДЫ

Қазақстан Республикасының Ұлттық мемлекеттік кітап палатасына Қазақстан Республикасы Президенті Қасым-Жомарт Кемелұлы Тоқаевтың атынан еліміздің жаңа Конституциясының арнайы басылымы салтанатты түрде табысталды.

30-06-2026

ЫНТЫМАҚТАСТЫҚ ЖӘНЕ ӨЗАРА ІС-ҚИМЫЛ ТУРАЛЫ МЕМОРАНДУМҒА ҚОЛ ҚОЙЫЛДЫ

Қазақстан Республикасы Мәдениет және ақпарат министрлігі Архив, құжаттама және кітап ісі комитетінің «Қазақстан Республикасының Ұлттық мемлекеттік кітап палатасы» республикалық мемлекеттік мекемесі мен «М. Жұмабаев атындағы Ақмола облыстық әмбебап ғылыми кітапханасы» коммуналдық мемлекеттік мекемесі арасында ынтымақтастық және өзара іс-қимыл туралы меморандумға қол қойылды.

26-06-2026

Қазақстан кітапханалар одағының «Жаһандық көзқарас және тұрақты даму: кітапханалардың болашақты құрудағы рөлі» атты кезекті көшпелі отырысы

Мағжан Жұмабаев атындағы Ақмола облыстық әмбебап ғылыми кітапханасында өткізіліп жатқан көшпелі отырыс аясында, Қазақстан Республикасының Ұлттық мемлекеттік кітап палатасының директоры Асхат Құсайынұлы Байұзақов «Кітапхана және кітап баспа ісі туралы» Қазақстан Республикасы Заңының жобасы бойынша баяндама жасады.

22-06-2026

Софы Қалыбекұлы Сматаев

ҚР Ұлттық мемлекеттік кітап палатасының ұжымы көрнекті жазушы, драматург, аудармашы, қоғам қайраткері, Кітап палатасының ұзақ жылдар бойы бас директоры болған Софы Сматаевты 85 жас мерейтойымен шын жүректен құттықтайды!

22-06-2026

Кітап палатасы халықаралық кітап көрмесінде Қазақстанның баспа өнімдерін таныстырды

2026 жылғы 17–21 маусым аралығында өткен Азиядағы ең ірі халықаралық кітап форумдарының бірі – Бейжің халықаралық кітап көрмесі табысты қорытындыланды.