Көктем мерекесі – Наурыз мейрамы келген шақта жыл бойы сандықта сақталатын зерлі шапандар, келісті қамзолдар, үкілі тақия мен дорба-дорба асық, түбіті түтілген қорғасын ләңгі, тобылғы сап қамшы жарыққа шығады. Иығына ұлттық киім іліп, қолына еліміздің ежелден ұлттық атрибутына айналған дүниелерді ұстаған жастың да, жасамыстың да келбеті ерекше көрінеді.
Қазақстан Республикасы Ұлттық мемлекеттік кітап палатасының ұжымы Наурыз мерекесі қарсаңында қазақы ұлттық дәстүрлерімізге, ежелден қалыптасқан дағды-салтымызға қатысты сұрақ-жауап сипатындағы командалық сайыс өткізді.
Бүгін ҚР Ұлттық мемлекеттік кітап палатасының ұжымы Көрісу күнін атап өтті. Мекеме директоры Әділ Қаженбайұлы Көрісу күнінің мән-мағынасы, дәстүрі туралы айта келіп, көпшілікті жылдың келуімен құттықтады.
Отпантау оянып, күллі қазақ Амал мерекесін тойлауды бастады. Көшпелі қазақтың ата ғұрпына байырғы заманда еніп, әбден сіңісті болған мерекелердің бірі – Көрісу мерекесі. Осы мереке қарсаңында ай жаңарып, түркі жұртының дәстүрінше Жаңа жыл кіреді.
ҚР Ұлттық мемлекеттік кітап палатасы Наурыз мейрамы қарсаңында, сондай-ақ, Қазақстан Республикасы Тәуелсіздігінің 30 жылдығы аясында «Ұлттық киімдегі ұжым» эстафетасын бастайды.
Мәжіліс депутаттары балалар басылымдарының мәселесін көтерді
ҚР Парламенті Мәжілісінің депутаты, ақын Мақпал Мыса ҚР Премьер-министрінің орынбасары Ералы Лұқпанұлы Тоғжановқа, ҚР Ақпарат және қоғамдық даму министрі Аида Ғалымқызы Балаеваға балалар әдебиеті және балаларға арналған түрлі ақпараттық тауарлар мәселесі жөнінде депутаттық сауал жолдады. Депутаттық сауалға Мақпал Мыса, Дархан Мыңбай және Жұлдыз Сүлейменова қол қойған.
Көктем шуағын ерте келетін керемет мерекелердің бірі – аналардың, жалпы әйелдер қауымының мерекесі. Бой көтерген бәйшешек те, күн шуағы да аналарды құттықтауға асығатындай.
Қазақстан халқы 2016 жылдың 1 наурызынан бастап Алғыс айту күні мерекесін атап өтіп келеді. Осыдан тура бес жыл бұрын бұл мерекені Елбасы – Нұрсұлтан Әбішұлы Назарбаев Қазақстан халқы Ассамблеясының құрылған күніне орай бекіткен еді.
Қазақстан Республикасы Мәдениет және спорт министрі Ақтоты Райымқұлова Алматы қаласына арнайы келіп, Ұлттық кітапхана қабырғасында министрлікке қарасты мекемелердің бірінші басшыларымен және мәдениет, өнер саласының өкілдерімен кездесті.
Бақытжан Қанапиянов «Жазушы және уақыт» симпозиумында баяндама жасады
2021 жылдың 18-21 ақпан аралығында Минск қаласында «Кітап адамзат пен елдерді біріктіреді» деген лозунгпен XXVIII Халықаралық кітап көрме-жәрмеңкесі өтті. Әлемдік деңгейдегі кітап көрме-жәрмеңкесіне жиырмадан астам ел белсенді түрде қатысты, соның бірі – Қазақстан Республикасы.